Jemo kare ki kare

Malube ki ngo ma otimme i komi nicake i kare ma okato ma wa rwate, gin ango ma itye ki pwoc pire?

Gin ango ma okelo par i cwinyi i cabit man, dok ngo ma imito wek jami obed maber?

Gin ango ma dano ma i kabedowu mito, dok waromo konyo ngat acel acel nining me cobo peko ma wanyuto ni?

Lok ango ma obedo i kare ma okato ma wa rwate? Gin ango ma wapwonyo i kom Lubanga ki dano?

I cokkewa mukato angec, in imoko tammi me keto gin ma ipwonyo i tic. Gin ango ma itimo, dok otimme nining?

Anga ma inywako kwede gin mo ki i lok ma okato ni? Gin gudok iye nining?

Wanongo jami mapol ma mite i kare ma okato ma wa rwate ki wa yubu me cobo jami ma mite ni. Otimo nining?

Kombeddi dong, wek wakwan lok me tin ki bot Lubanga...

¹⁰ Ci yalwak meno ducu guto, gudok bot kwarogi, ka dok yalwak mukene olubogi ma pe gigeyo Rwot, kadi tic ma yam en otiyo pi jo Icrael. ¹¹ Jo Icrael gucako timo gin ma nen marac i wag Rwot pi woro jogi ma nyiŋgi Baal. ¹² Gubwoto Rwot Lubaŋa pa kwarogi woko, ma yam okwanyogi ki i lobo Ejipt, ci gucako lubo kor lubaŋa mukene ki i kin lwak lubaŋa pa rok mapatpat ma orumogi dyere-ni; guryebbe i nyimgi, gumiyo kiniga omako Rwot.; ¹³ Gubwoto Rwot woko, guworo jogi Baal mapatpat ki jogi ma mon-gu. ¹⁴ Pienno kiniga omako Rwot i kom jo Icrael ci omiyogi i ciŋ Iuyak-jamigi, ma gubedo ka yako jamigi, Dok omiyogi woko i te twero pa lumerokgi ma orumogi dyere, omiyo pe doŋ gitwero cuŋ i nyim lumerokgi, ¹⁵ Ka ma gicito iye ducu i kare-nu, ciŋ Rwot onoŋo tye i komgi likiŋ pi timogi rac, kit ma yam Rwot owaco-ni, kun lubo kit ma Rwot onoŋo okwoŋo botgi; ci piny orem kwedgi woko. ¹⁶ Rwot ocako keto luŋolkop ma gularo jo Icrael ki i twero pa jo ma yam giyako jamigi-ni. ¹⁷ Ento pe guworo dog luŋolkopgi; gubedo ka woro lubaŋa mogo mukene ki tim kwele kwele ki ryebbe i nyimgi, Gulokke gubarre woko oyot ki i yo ma yam kwarogi gulubo. Kwarogi onoŋo yam gulubo cik pa Rwot, ento gin pe gulubo cikke.Jo Icrael … gubedo ka woro lubaŋa mogo mukene ¹⁸ I kare ducu ma Rwot omiyo botgi Laŋolkop mo, ci Rwot obedo ki laŋolkop meno; obedo ka larogi ki i ciŋ lumerokgi pi kare pa Laŋolkop meno ducu. Kica yam mako Rwot i komgi kare ki kare ka gicur i kom jo ma unogi kun gidiyogi ki tek. ¹⁹ Ento ka laŋolkop mo oto woko, ci gitarre, gidok cen ka timo tim maraco makato kwarogi ducu, kun gilubo kor lubaŋa mogo mukene, giworogi kun giryebbe piny i nyimgi; pe gibwoto timgi mo, kadi wa kit ducu ma gibedo ka lubo pi nwaŋ ŋutgi-ni. ²⁰ Mumiyo kiniga omako Rwot i kom jo Icrael, ci owacci, “Jo man guturo gicikkena ma yam acikke kwede ki kwarogi, dok gukwero woro doga. ²¹ Pi meno cakke tin an pe doŋ abiryemo rok mo woko ki i nyimgi ma i kin lwak rok mapatpat ma yam Yocwa oto oweko-ni, ²² wek atem ki cwiny jo Icrael, anen ka gibigwokke kun gilubo yo pa Rwot macalo kwarogi yam gugwokke iye, nyo pe.” ²³ Kit meno Rwot oweko rok meno ducu gubedo, pe oryemogi woko ducu lawaŋacel, dok pe omiyogi i te twero pa Yocwa.

Kombeddi dong, wek ngat mo odok cen i lok man ki lebgi, calo iwacci gitye ka tito bot lareme ma peya owinyo. Wek wakony gi ka guweko gin mo keken onyo gu medo gin mo kiken ma pi ki ngeyo. Ka meno otimme watwero penyo ni, “Inongo lok meno kwene i lok meno?”

Lok man pwonyowa gin ango i kom Lubanga, kite, ki gin ma en timo?

Gin ango ma wapwonyo i kom dano, kadiwa wan kikomwa, ki i lok man?

Ibitiyo lok ada pa Lubanga ma tye i lok man i kwoni nining i cabit man? Gin ango ma ibi timone?

Nga ma ibi nywako lok ada ki i lok man bote ma peya wa rwate? Tika ingeyo jo mukene ma bene gimito niang lok pa Lubanga i app man calo wan?

Kit ma cokkewa cok gik-ki, kong dong wamok awene ma wabirwatte iye doki ki dok anga ma bidoro cokkewa ma lubo.

Wa cuko cwinyi me coyo piny gin ma iwaco ni ibi timo, ki me dok kwano lok man i nino ma peya wa rwate. Lapwony twero poko lok ma ki coyo onyo dwan ka ngat mo pe kwede. Ka watye ka wot, wek wakwa Rwot wek okonywa.