Lubanga aye telo lupwonnye

Malube ki ngo ma otimme i komi nicake i kare ma okato ma wa rwate, gin ango ma itye ki pwoc pire?

Gin ango ma okelo par i cwinyi i cabit man, dok ngo ma imito wek jami obed maber?

Gin ango ma dano ma i kabedowu mito, dok waromo konyo ngat acel acel nining me cobo peko ma wanyuto ni?

Lok ango ma obedo i kare ma okato ma wa rwate? Gin ango ma wapwonyo i kom Lubanga ki dano?

I cokkewa mukato angec, in imoko tammi me keto gin ma ipwonyo i tic. Gin ango ma itimo, dok otimme nining?

Anga ma inywako kwede gin mo ki i lok ma okato ni? Gin gudok iye nining?

Wanongo jami mapol ma mite i kare ma okato ma wa rwate ki wa yubu me cobo jami ma mite ni. Otimo nining?

Kombeddi dong, wek wakwan lok me tin ki bot Lubanga...

¹ Rwot aye lakwat ma kwayo an; pe tye gin mo ma birem bota. ² En miyo abuto i olet maber, en tera i waŋ pii manic. ³ En roco kwona doko nyen. En tela miyo abedo ki kit kwo ma atir pi nyiŋe kene keken. ⁴ Kadi bed awoto i nota me tipo to, pe abilworo gin marac mo; pien in it ye kweda; toŋŋi ki odooni me kwat gimiyo cwinya bedo tek. ⁵ Iketo meja me cam i nyima ma onoŋo lukwor mera bene gineno; ijola maber kun iwiro wiya ki moo, ki kopona bene opoŋ woko libyeny. ⁶ Adada, berri ki kicani bibedo i koma pi kare me kwona ducu; dok an abibedo i ot pa Rwot matwal.

Kombeddi dong, wek ngat mo odok cen i lok man ki lebgi, calo iwacci gitye ka tito bot lareme ma peya owinyo. Wek wakony gi ka guweko gin mo keken onyo gu medo gin mo kiken ma pi ki ngeyo. Ka meno otimme watwero penyo ni, “Inongo lok meno kwene i lok meno?”

Lok man pwonyowa gin ango i kom Lubanga, kite, ki gin ma en timo?

Gin ango ma wapwonyo i kom dano, kadiwa wan kikomwa, ki i lok man?

Ododo man waco ningo ikom bedo lapwonye pa Yecu?

Ibitiyo lok ada pa Lubanga ma tye i lok man i kwoni nining i cabit man? Gin ango ma ibi timone?

Nga ma ibi nywako lok ada ki i lok man bote ma peya wa rwate? Tika ingeyo jo mukene ma bene gimito niang lok pa Lubanga i app man calo wan?

Kit ma cokkewa cok gik-ki, kong dong wamok awene ma wabirwatte iye doki ki dok anga ma bidoro cokkewa ma lubo.

Wa cuko cwinyi me coyo piny gin ma iwaco ni ibi timo, ki me dok kwano lok man i nino ma peya wa rwate. Lapwony twero poko lok ma ki coyo onyo dwan ka ngat mo pe kwede. Ka watye ka wot, wek wakwa Rwot wek okonywa.