𝑳𝒖𝒑𝒘𝒐𝒏𝒚𝒆 𝒈𝒊 wek𝒐 𝒌𝒘𝒐 𝒎𝒂𝒄𝒐𝒏, girukke i 𝒌𝒘𝒐 𝒎𝒂𝒏𝒚𝒆𝒏.

Malube ki ngo ma otimme i komi nicake i kare ma okato ma wa rwate, gin ango ma itye ki pwoc pire?

Gin ango ma okelo par i cwinyi i cabit man, dok ngo ma imito wek jami obed maber?

Gin ango ma dano ma i kabedowu mito, dok waromo konyo ngat acel acel nining me cobo peko ma wanyuto ni?

Lok ango ma obedo i kare ma okato ma wa rwate? Gin ango ma wapwonyo i kom Lubanga ki dano?

I cokkewa mukato angec, in imoko tammi me keto gin ma ipwonyo i tic. Gin ango ma itimo, dok otimme nining?

Anga ma inywako kwede gin mo ki i lok ma okato ni? Gin gudok iye nining?

Wanongo jami mapol ma mite i kare ma okato ma wa rwate ki wa yubu me cobo jami ma mite ni. Otimo nining?

Kombeddi dong, wek wakwan lok me tin ki bot Lubanga...

¹ Macalo yam doŋ wucer kacel ki Kricito, wuket cwinywu doŋ i kom jami ma tye malo, ka ma Kricito tye iye i kabedo me deyo i ŋet Lubaŋa tuŋ acuc. ² Wuket cwinywu i kom jami ma tye malo i polo ento pe i kom jami me lobo. ³ Pien yam wuto woko, ento kombeddi doŋ gikano kwowu kacel ki Kricito bot Lubaŋa. ⁴ Ka Kricito ma en kwowa binen, wun bene wubinen kacel kwede i deyo. ⁵ Pi meno myero doŋ wunek gin ducu me lobo ma tye i iwu, ma gin aye abor, caro, mit me kom, ki par marac ma kelo lewic, ki woro me jami ma rom ki woro jogi. ⁶ Akemo pa Lubaŋa bino pi kit tim macalo meno i kom jo pe winyo lokke. ⁷ I kit kwo ma yam wubedo kwede, magi aye gin tim ma onoŋo wubedo ka lubogi. ⁸ Ento kombeddi myero doŋ wubwotgi woko ducu: kiniga, kwar cwiny, raccwiny, yet, ki loko lok mogo me lewic ma pe myero giwiny ka katti ki i dogwu. ⁹ Pe myero wubwolle kekenwu, pien doŋ wubwoto kwowu macon ki ticce ducu, ¹⁰ ci doŋ wuruko dano manyen ma Lacwec tye ka rocone i ŋec manyen me dwoko i calle kikome. ¹¹ Kenyo doŋ apokapoka pe iye i kin Lugrik ki Lujudaya, ŋat ma giliro ki ŋat ma pe giliro, larok ma kwiya piny mere ata ma pe ŋeyo leb, rok ma pud gudoŋ cen i kit me wi lobo, opii, ki ŋat ma doŋ lone kene, pien Kricito doŋ ocoko gin ducu dok bene tye i igi ducu. ¹² Ento wun aye jo ma Lubaŋa doŋ oyero, jo maleŋ ma Lubaŋa maro; pi meno myero doŋ wuruk cwiny ma miyo wuparo pi can pa luwotwu, wubed ki kica, mwolo, woro ki diyo cwiny. ¹³ Wudi cwinywu kekenwu, ŋat acel acel odi cwinye i kom lawote, kun wutimo kica ki luwotwu i kinwu kekenwu pi balwu. Ka ŋat mo i kinwu tye ki lok mo i kom lawote, timo kica pi bal myero obed tye macalo Rwot bene ceŋ otimowu kica. ¹⁴ Ento makato magi ducu, myero wubed kun wupoŋ ki mar. Pien mar keken aye tweyo jami ducu, ribogi kacel ma cobo bene maber licwic. ¹⁵ Wuwek kuc pa Kricito ma yam olwoŋowu i kom acel aye olo cwinywu, ka wek doŋ wubed jo ma miyo pwoc kare ducu. ¹⁶ Wuwek lok pa Kricito obed i iwu mulony, ka wupwonnye, kun wujukke bene kekenwu ki ryeko ducu ma Lubaŋa omiyowu. Dok bene ka wuwero jabuli, wer me pako Lubaŋa ki wer mogo mukene me dini, wuwer bot Lubaŋa ki pwoc i cwinywu. ¹⁷ Gin ducu ma wutiyo, kadi ki i lok nyo i tic mogo, wutigi i nyiŋ Rwot Yecu, kun wumiyo pwoc bot Lubaŋa Won wok ki bote.

Kombeddi dong, wek ngat mo odok cen i lok man ki lebgi, calo iwacci gitye ka tito bot lareme ma peya owinyo. Wek wakony gi ka guweko gin mo keken onyo gu medo gin mo kiken ma pi ki ngeyo. Ka meno otimme watwero penyo ni, “Inongo lok meno kwene i lok meno?”

Lok man pwonyowa gin ango i kom Lubanga, kite, ki gin ma en timo?

Gin ango ma wapwonyo i kom dano, kadiwa wan kikomwa, ki i lok man?

Ododo man waco ningo ikom bedo lapwonye pa Yecu?

Ibitiyo lok ada pa Lubanga ma tye i lok man i kwoni nining i cabit man? Gin ango ma ibi timone?

Nga ma ibi nywako lok ada ki i lok man bote ma peya wa rwate? Tika ingeyo jo mukene ma bene gimito niang lok pa Lubanga i app man calo wan?

Kit ma cokkewa cok gik-ki, kong dong wamok awene ma wabirwatte iye doki ki dok anga ma bidoro cokkewa ma lubo.

Wa cuko cwinyi me coyo piny gin ma iwaco ni ibi timo, ki me dok kwano lok man i nino ma peya wa rwate. Lapwony twero poko lok ma ki coyo onyo dwan ka ngat mo pe kwede. Ka watye ka wot, wek wakwa Rwot wek okonywa.