𝑳𝒖𝒑𝒘𝒐𝒏𝒚𝒆 𝒈𝒊𝒕𝒖𝒄𝒐 𝒃𝒂𝒍.

Malube ki ngo ma otimme i komi nicake i kare ma okato ma wa rwate, gin ango ma itye ki pwoc pire?

Gin ango ma okelo par i cwinyi i cabit man, dok ngo ma imito wek jami obed maber?

Gin ango ma dano ma i kabedowu mito, dok waromo konyo ngat acel acel nining me cobo peko ma wanyuto ni?

Lok ango ma obedo i kare ma okato ma wa rwate? Gin ango ma wapwonyo i kom Lubanga ki dano?

I cokkewa mukato angec, in imoko tammi me keto gin ma ipwonyo i tic. Gin ango ma itimo, dok otimme nining?

Anga ma inywako kwede gin mo ki i lok ma okato ni? Gin gudok iye nining?

Wanongo jami mapol ma mite i kare ma okato ma wa rwate ki wa yubu me cobo jami ma mite ni. Otimo nining?

Kombeddi dong, wek wakwan lok me tin ki bot Lubanga...

⁵ Man aye lok me kwena ma yam wawinyo ki bote, ma watye ka titone botwu, ni, Lubaŋa en leŋo, dok i en pe tye ka mo macol kadi ki acel. ⁶ Ka wawaco ni waribbe kwede kun pud wawoto ka macol, wan lugoba, timwa noŋo ada pe iye. ⁷ Ento ka wawoto ka maleŋ, macalo en bene tye ka maleŋ, noŋo waribbe ŋat man ki lawote, dok remo pa Wode Yecu Kricito bene lwoko bal ducu woko ki i komwa. ⁸ Ka ce wawaco ni wape ki bal, meno noŋo wabwolle abwola kenwa, lok ada noŋo pe i iwa. ⁹ Ka watuco balwa, en genne dok kite atir, biweko balwa, dok bilwoko tim maraco ma tye i komwa ducu. ¹⁰ Ka wawaco ni pe wabalo, ci wamiyo Lubaŋa doko lagoba, lokke bene noŋo pe i iwa. ¹ Litinona, acoyo waraga man botwu wek pe wupot i bal; ento ka ŋat mo obalo, watye ki lakony ma cuŋ piwa bot Lubaŋa Won, en Yecu Kricito ma kite atir. ² Dok en kikome bene obedo gitum pi kwanyo balwa, pe balwa keken ento kadi wa bal pa jo ma i wi lobo ducu.

Kombeddi dong, wek ngat mo odok cen i lok man ki lebgi, calo iwacci gitye ka tito bot lareme ma peya owinyo. Wek wakony gi ka guweko gin mo keken onyo gu medo gin mo kiken ma pi ki ngeyo. Ka meno otimme watwero penyo ni, “Inongo lok meno kwene i lok meno?”

Lok man pwonyowa gin ango i kom Lubanga, kite, ki gin ma en timo?

Gin ango ma wapwonyo i kom dano, kadiwa wan kikomwa, ki i lok man?

Ododo man waco ningo ikom bedo lapwonye pa Yecu?

Ibitiyo lok ada pa Lubanga ma tye i lok man i kwoni nining i cabit man? Gin ango ma ibi timone?

Nga ma ibi nywako lok ada ki i lok man bote ma peya wa rwate? Tika ingeyo jo mukene ma bene gimito niang lok pa Lubanga i app man calo wan?

Kit ma cokkewa cok gik-ki, kong dong wamok awene ma wabirwatte iye doki ki dok anga ma bidoro cokkewa ma lubo.

Wa cuko cwinyi me coyo piny gin ma iwaco ni ibi timo, ki me dok kwano lok man i nino ma peya wa rwate. Lapwony twero poko lok ma ki coyo onyo dwan ka ngat mo pe kwede. Ka watye ka wot, wek wakwa Rwot wek okonywa.