أهلا وسهلا فيكن بحلقة جديدة من مجتمع صناعة التلاميذ. خلّونا نبلّش بالحكي عن أخبارنا من آخر مرّة التقينا فيها لليوم.شو في شي صار معك بتحب تشكر الله عليها؟

شو هي لمشاكل الّلي مرقت فيها هالأسبوع وشو انت بتحتاج لتصير الأمور أفضل؟

شو هي إحتياجات الضّالين بمجتمعك وكيف فينا نتعاون لنسد هاي الإحتياجات؟

كيف كان الله عم يشتغل من خلال مجهودك لتضاعف الصلاة؟ في قصص عن إستجابة الله للصلوات لنشكر ربنا عليها؟

شو تعلّمنا من لقاءنا اللي مرق عن صناعة التلاميذ؟

بالّلقاء الّلي مرق،إنت قرّرت إنّو تطبّق شو تعلّمت، يا ترى شو صار معك وشو عملت؟

هل شاركت شي من القصّة السابقة مع أي حدا؟ كيف تجاوبوا معك؟

المرّة الماضية حدّدنا إحتياجات كتيرة وخطّطنا إنو نسد هالإحتياجات. شو قدرت تعمل ( شو صار معك)؟

إسّا خلينا نسمع حق جديد من الله...

¹¹ فَأَبْحَرْنَا مِنْ تَرْوَاسَ وَاتَّجَهْنَا مُبَاشَرَةً إِلَى سَمُوتْرَاكِي، وَفِي الْغَدِ إِلَى نِيَابُلِسَ. ¹² وَمِنْ هُنَاكَ سَافَرْنَا إِلَى فِيلِبِّي، وَهِيَ مُسْتَعْمَرَةٌ رُومَانِيَّةٌ وَأَهَمُّ مَدِينَةٍ فِي تِلْكَ الْمِنْطَقَةِ مِنْ مَقْدُونْيَا. وَأَقَمْنَا هُنَاكَ عِدَّةَ أَيَّامٍ. ¹³ وَفِي يَوْمِ السَّبْتِ خَرَجْنَا مِنْ بَوَّابَةِ الْمَدِينَةِ إِلَى ضَفَّةِ النَّهْرِ. وَكُنَّا نَتَوَقَّعُ أَنْ يَكُونَ هُنَاكَ مُصَلَّى. فَجَلَسْنَا نُكَلِّمُ النِّسَاءَ الْمُجْتَمِعَاتِ هُنَاكَ. ¹⁴ وَكَانَ بَيْنَ الْمُسْتَمِعَاتِ امْرَأَةٌ تَعْبُدُ اللهَ مِنْ مَدِينَةِ ثِيَاتْرَا اسْمُهَا لِيدْيَا، وَهِيَ تَاجِرَةُ أَقْمِشَةٍ أُرْجُوَانِيَّةٍ. فَفَتَحَ الْمَوْلَى قَلْبَهَا لِتَقْبَلَ كَلَامَ بُولُسَ. ¹⁵ فَلَمَّا تَغَطَّسَتْ هِيَ وَعَائِلَتُهَا، أَلَحَّتْ عَلَيْنَا وَقَالَتْ: ”إِنْ كُنْتُمْ تَعْتَبِرُونَ أَنِّي مُؤْمِنَةٌ بِالْمَسِيحِ فَتَعَالَوْا إِلَى دَارِي وَأَقِيمُوا عِنْدِي.“ فَأَجْبَرَتْنَا أَنْ نَذْهَبَ.

إسا خلّي حدا يعيد القطعة بكلماتو كإنّو عم يخبّر صديق ما سمع فيها من قبل. خلينا نساعدو إذا ترك شي أو زاد شي بالغلط فينا نسألو "وين هادا الشي موجود بالقصّة؟"

شو بتعلّمنا هاي القصّة عن الله وعن شخصيته وعن أفعاله؟

شو منتعلّم من هاي القصّة عن صناعة التلاميذ؟

كيف رح تطبّق الّلي الله علّمك ياه من خلال هاي القصّة بحياتك هادا الأسبوع؟ شو في شي محدّد رح تعملو؟

إسّا خلّينا نتفرّج عالفيديو تبع تدريب اليوم...

فيديو تدريبي

خلّينا نتناقش بالّلي تعلّمناه اليوم وكيف رح نطبقُ وإحنا عم نصنع تلاميذ.

مع مين رح تشارك شي تعلّمتو من لقاء اليوم قبل ما نلتقي مرّة تانية؟

بما إنّو لقاءنا قرَّب يخلص، وينتا رح نلتقي مرّة تانية ومين رح يدير اللّقاء الجاي؟

إحنا قضّينا وقت حلو مع بعض. منشجعك تلزم بالأشياء اللي قلت أنك رح تعملها، وترجع تسمع القصة بالأيام الجاية قبل ما نلتقي. الشخص الّلي عم يدير اللقاء ممكن يتشارك النص أو تسجيل القصّة مع الناس التانيين الّلي ممكن ما يكون معهن نص القصة، وخلّونا نطلب من الله إنو يساعدنا.