الأمانة و التضاعف

خلونا نحكي عن اخبارنا من أخر مرة اتقابلنا فيها لحد النهارده. ايه اللي تحبو تشكرو ربنا بيه؟

هل فيه مشاكل او مواقف صعبة مريت بيها الأسبوع ده؟ انت محتاج ايه علشان الأمور تتحسن؟

خدت بالك من ناس من معارفك او قرايبك محتاجين حاجة؟ و ازاي نتعاون بعض ف تسديد ألأحتياجات دي ؟

ايه القصة اللي اتكلمنا عنها المرة اللي فاتت؟ اتعلمنا ايه عن الله؟ و عن الناس؟

من المره اللي فاتت انت واخد قرار انك تغير حاجات في حياتك و تعمل اللي اتعلمته؟ ياتري عملت ده ازاي؟ و ايه اللي حصل معاك؟

شاركت قصة بتاعت المره اللي فاتت مع مين؟ و اتجاوبوا معاك ازاي؟

المره اللي فاتت حددنا الإحتياجات و خططنا ازاي نسدد الإحتياجات دي؟ قدرت تعمل كده ازاي؟

دلوقتي يالا بينا نقرأ قصه جديده من الله

¹ وَأَنْتَ يَا وَلَدِي، فَكُنْ قَوِيًّا فِي النِّعْمَةِ الَّتِي فِي الْمَسِيحِ يَسُوعَ. ² وَالتَّعَالِيمُ الَّتِي سَمِعْتَهَا مِنِّي بِحُضُورِ شُهُودٍ عَدِيدِينَ، أَوْدِعْهَا أَمَانَةً بَيْنَ أَيْدِي أُنَاسٍ جَدِيرِينَ بِالثِّقَةِ، يَكُونُونَ قَادِرِينَ عَلَى تَعْلِيمِ الآخَرِينَ. ³ شَارِكْ فِي احْتِمَالِ الآلامِ كَجُنْدِيٍّ صَالِحٍ لِلْمَسِيحِ يَسُوعَ. ⁴ وَمَا مِنْ مُجَنَّدٍ يُرْبِكُ نَفْسَهُ بِشُؤُونِ الْحَيَاةِ إِذَا رَغِبَ فِي إِرضَاءِ مَنْ جَنَّدَهُ. ⁵ كَمَا أَنَّ الْمُصَارِعَ لَا يَفُوزُ بِالإِكْلِيلِ إِلَّا إِذَا صَارَعَ بِحَسَبِ الْقَوَانِينِ. ⁶ كَذَلِكَ الْفَلَّاحُ الَّذِي يَشْتَغِلُ بِجِدٍّ يَجِبُ أَنْ يَكُونَ أَوَّلَ مَنْ يَنَالُ حِصَّتَهُ مِنَ الْغَلَّةِ. ⁷ فَكِّرْ فِي مَا أَقُولُهُ، فَإِنَّ الرَّبَّ سَيَهَبُكَ فَهْماً فِي كُلِّ شَيْءٍ.

دلوقتي , ممكن حد يحكلنا القصة بالعامية بطريقته زي مل بيقولها لحد مسمعهاش قبل كده. و خلينا نساعد بعض, وهو بيحكي القصة لو ساب حاجة ولو ضاف حاجة مختلفة للقصة ممكن نسأله جبت منين الكلام ده من القصة الأصليه؟

القصة دي بتعلمنا ايه عن الله؟ وعن شخصيته؟ عن افعاله؟

اتعلمنا ايه عن الناس (بما فيهم احنا) من القصة دي؟

القصة دي بتعلمنا ايه عن كونا قاده؟

ايه الحاجة اللي في حياتك ممكن تغيرها بسبب اللي اتعلمت من القصة بتاعت النهاردة؟ وإي هي الخطوة المحددة اللي قررت تعملها؟

تعرف حد ممكن يكون محتاج يسمع القصة دي؟ هتشاركهالو ازاي؟

و احنا ف اخر جلستنا, خلونا نتفق هنتقابل أمتى؟ ومين هيدير حوار قاعدتنا المرة اللي جايه؟

بنشجعك انك تكتب أو تسجل كل اللي قلت انك تعمله. و ترجع تسمع القصه دي ف الايام اللي جايه لحد مانتقابل تاني. و خلونا نطلب من ربنا انه يساعدنا.