Ang Simbahan Nagdayeg sa Dios

1 Basi sa mga nahitabo nimo sukad sa atong niagi natong panagkita, unsa may imong pasalamatan?

2 Unsa ang nakapa-stress nimo karong semanaha, ug unsay imong gikinahanglan aron mahimong mas maayo ang dagan sa imong kinabuhi?

3 Unsa ang mga panginahanglanon sa mga tawo sa imong komunidad, ug unsaon nato pagtabang sa matag-usa nga matubag ang mga panginahanglanon?

4 Unsa man ang storya nga atong nahisgutan sa niiagi? Unsay atong nakat-onan bahin sa Diyos ug sa katawhan?

5 Sa miaging miting, nagkasabot ta nga imong ikinabuhi ang imong nahibaloan. Unsa ang imong gibuhat ug giunsa nimo kini?

6 Kinsa ang imong nasultihan sa sa miaagi natong nastorayahan? Unsa ilang tubag?

7 Atong nahibaluan ang daghang mga panginahanglanon sa miagi natong miting ug planohan nga matubag. Kumusta na kini?

8 Karon, atong basahon ang istorya karon gikan sa Dios...

Salmo 145 ¹ Dayegon ko ikaw, akong Dios ug Hari. Dayegon ko ikaw sa walay kataposan. ² Adlaw-adlaw dayegon ko ikaw, ug himuon ko kana sa walay kataposan. ³ Gamhanan ka, Ginoo, ug takos gayong dayegon. Ang imong pagkagamhanan dili gayod matugkad. ⁴ Isugilon sa matag henerasyon ngadto sa sunod nila nga henerasyon ang imong gamhanang mga buhat. ⁵ Pamalandongan ko ang imong pagkahalangdon, pagkagamhanan, ug ang imong katingalahang mga buhat. ⁶ Ipanugilon sa mga tawo ang gahom sa imong katingalahang mga buhat, ug imantala ko usab ang imong pagkagamhanan. ⁷ Ipanugilon nila ang pagkabantog sa imong dakong kaayo, ug moawit sila mahitungod sa imong pagkamatarong. ⁸ Ginoo, maloloy-on ka ug manggihunahunaon; mahigugmaon ka ug dili daling masuko. ⁹ Ginoo, maayo ka ngadto sa tanan; manggihunahunaon ka sa tanan mong binuhat. ¹⁰ Pasalamatan ka, Ginoo, sa tanan mong binuhat; dayegon ka sa imong matinud-anong katawhan. ¹¹ Maghisgot sila bahin sa imong paghari ug sa imong dakong gahom, ¹² aron mahibaloan sa tanang katawhan ang imong gamhanang mga buhat ug ang pagkagamhanan sa imong paghari. ¹³ Ang imong paghari walay kataposan. Matinumanon ka gayod, Ginoo, sa imong mga saad, ug ang imong pagkamahigugmaon makita sa tanan mong binuhatan. ¹⁴ Gitabangan mo ang tanan nga anaa sa kalisod ug gipalig-on ang tanang mga maluya. ¹⁵ Ang tanang buhing binuhat nagasalig kanimo, ug gihatagan mo sila sa ilang pagkaon sa panahon nga gikinahanglan nila kini. ¹⁶ Mahinatagon ka ug gitagbaw mo sila. ¹⁷ Matarong ka, Ginoo, sa tanan mong binuhatan, ug mahigugmaon ka sa tanan mong binuhat. ¹⁸ Haduol ka, Ginoo, sa tanan nga matinud-anon nga nagatawag kanimo. ¹⁹ Ginahatag mo ang ginapangandoy sa mga nagatahod kanimo; ginapatalinghogan mo ang ilang pagpanawag, ug ginaluwas mo sila. ²⁰ Ginabantayan mo ang tanang nagahigugma kanimo, apan ang tanang daotan imong laglagon. ²¹ Dayegon ko ikaw, Ginoo. Ang tanang binuhat modayeg kanimo sa walay kataposan.

1 Karon, kinsa kaninyo ang mosulti pagbalik sa iyang kaugalingon nga mga pulong sumala sa atong nabasa susama sa nakig-istorya sa iyang higala nga wala pa nakadungog niini. Tabangan nato sila kung naay nalimtan o kaha sayup nga nadugang. Kung mahitabo kini ato siyang pangutan-on, "Asa nimo makita kana sa istorya?"

2 Unsa ang gitudlo niini nga istorya kanato mahitungod sa Dios, sa iyang kinaiya, ug unsay iyang nabuhat?

3 Unsa ang atong makat-unan mahitungod sa mga tawo, ug sa atong kaugalingon, gikan niini nga istorya?

4 Unsa ang atong makat-unan gikan niini nga istorya mahitungod sa pagkahimong mga disipulo?

5 Unsaon nimo pag aplikar ang kamatuoran sa Dios gikan niini nga istorya sa imong kinabuhi karong semanaha? Unsa ang imong maayong buhaton mahitungod niini?

6 Kinsa ang imong maistoryahan ani nga kamatuoran gikan niini nga istorya sa dili pa kita magkita pag-usab? Naa paba kay laing nailhan nga gusto usab nga makadiskobre sa pulong sa Dios niini nga app sama kanato?

7 Hapit na mahuman ang atong miting, atong desisyonan kung kanus-a ta magkita pag-usab ug kinsa ang mo-facilitate sa atong sunod nga panagkita.

8 Ako mong gidasig sa pagtimaan sa imong giingon nga buhaton, ug sa pagbasa pag-usab niini nga istorya sa mga adlaw sa dili pa kita magmiting pag-usab. Mahimong ipaambit sa facilitator ang teksto sa istorya o audio kung adunay wala niini. Sa atong paglakaw, atong pangayoon ang Ginoo nga tabangan ta Niya.