Ang Simbahan Nagdayeg sa Dios

1 Basi sa mga nahitabo nimo sukad sa atong niagi natong panagkita, unsa may imong pasalamatan?

2 Unsa ang nakapa-stress nimo karong semanaha, ug unsay imong gikinahanglan aron mahimong mas maayo ang dagan sa imong kinabuhi?

3 Unsa ang mga panginahanglanon sa mga tawo sa imong komunidad, ug unsaon nato pagtabang sa matag-usa nga matubag ang mga panginahanglanon?

4 Unsa man ang storya nga atong nahisgutan sa niiagi? Unsay atong nakat-onan bahin sa Diyos ug sa katawhan?

5 Sa miaging miting, nagkasabot ta nga imong ikinabuhi ang imong nahibaloan. Unsa ang imong gibuhat ug giunsa nimo kini?

6 Kinsa ang imong nasultihan sa sa miaagi natong nastorayahan? Unsa ilang tubag?

7 Atong nahibaluan ang daghang mga panginahanglanon sa miagi natong miting ug planohan nga matubag. Kumusta na kini?

8 Karon, atong basahon ang istorya karon gikan sa Dios...

⁸ Pasalamati ninyo ang Ginoo; simbaha ninyo siya! Isugilon ngadto sa mga katawhan ang iyang mga binuhatan. ⁹ Awiti ninyo siya ug mga pagdayeg; isugilon ang tanang katingalahan niyang mga buhat. ¹⁰ Dayega ninyo ang iyang pagkabalaan. Paglipay kamong mga nagadangop kaniya. ¹¹ Salig kamo sa Ginoo ug sa iyang kusog. Dangop kamo kanunay kaniya. ¹²⁻¹³ Kamong mga pinili sa Dios, nga mga kaliwat ni Israel nga mao usab si Jacob nga alagad sa Dios, hinumdomi ninyo ang iyang katingalahang mga buhat, ang iyang mga milagro, ug ang iyang mga paghukom. ¹⁴ Siya ang Ginoo nga atong Dios, ug nagahukom siya sa tibuok kalibotan. ¹⁵ Ginahinumdoman niya kanunay ang iyang kasabotan. Dili gayod niya pagkalimtan ang iyang mga saad hangtod sa kahangtoran. ¹⁶ Kining kasabotan gihimo niya kang Abraham ug gisaad usab niya kang Isaac. ¹⁷ Gilig-on niya kini ngadto kang Jacob, nga gitawag usab ug Israel, ug magpadayon kini hangtod sa kahangtoran. ¹⁸ Miingon siya sa matag usa kanila: “Ihatag ko kaninyo ang yuta sa Canaan ingon nga inyong panulondon.” ¹⁹ Kaniadto gamay pa lang kaayo ang katawhan sa Dios, ug mga dumuduong pa lang sila sa yuta sa Canaan. ²⁰ Naglatagaw sila sa mga kanasoran ug sa mga gingharian. ²¹ Apan wala motugot ang Dios nga daog-daogon sila. Aron mapanalipdan sila, gibadlong niya ang mga hari. Miingon siya: ²² “Ayaw ninyo hilabti ang akong piniling mga alagad; ayaw ninyo pasipad-i ang akong mga propeta.” ²³ Kamong mga katawhan sa tibuok kalibotan, pag-awit kamo sa Ginoo. Isugilon ninyo adlaw-adlaw nga giluwas kita niya. ²⁴ Ipahibalo ninyo sa tanang katawhan sa mga nasod ang iyang pagkagamhanan ug ang iyang katingalahang mga buhat. ²⁵ Kay gamhanan ang Ginoo, ug angay gayod nga dayegon. Takos siya nga tahoron labaw sa tanang dios, ²⁶ kay ang tanang dios sa ubang mga nasod mga dios-dios lang, apan ang Ginoo mao ang naghimo sa kalangitan. ²⁷ Anaa kaniya ang pagkagamhanan ug pagkahalangdon; ang kusog ug kalipay anaa sa iyang puloy-anan. ²⁸ Dayega ninyo ang Ginoo, kamong mga katawhan sa mga nasod. Dayega ninyo ang iyang gahom ug kusog. ²⁹ Ihatag ngadto sa Ginoo ang pasidungog nga angay kaniya. Pagdala kamo ug halad sa iyang presensya. Simbaha ninyo siya sa iyang balaang presensya. ³⁰ Tahora ninyo siya, kamong mga katawhan sa tibuok kalibotan. Lig-on ang iyang pagkahimutang sa kalibotan ug dili kini matarog. ³¹ Maglipay ang kalangitan ug ang kalibotan. Moingon sila sa kanasoran, “Nagahari ang Ginoo.” ³² Maglipay usab ang kadagatan, ang mga kaumahan, ug ang tanan nga anaa niini. ³³ Ang mga kahoy sa kalasangan magaawit sa kalipay atubangan sa Ginoo. Kay moabot siya aron sa paghukom sa kalibotan. ³⁴ Pasalamati ang Ginoo kay maayo siya; ang iyang gugma walay kataposan. ³⁵ Pag-ampo kamo, “Luwasa kami, O Dios nga among Manluluwas; luwasa kami gikan sa kanasoran ug tigoma kami pag-usab sa among yuta, aron makapasalamat kami ug makadayeg sa imong pagkabalaan. ³⁶ Dalaygon ang Ginoo, ang Dios sa Israel, sa walay kataposan.” Unya mitubag ang tanang katawhan, “Amen.” Ug midayeg sila sa Ginoo.

1 Karon, kinsa kaninyo ang mosulti pagbalik sa iyang kaugalingon nga mga pulong sumala sa atong nabasa susama sa nakig-istorya sa iyang higala nga wala pa nakadungog niini. Tabangan nato sila kung naay nalimtan o kaha sayup nga nadugang. Kung mahitabo kini ato siyang pangutan-on, "Asa nimo makita kana sa istorya?"

2 Unsa ang gitudlo niini nga istorya kanato mahitungod sa Dios, sa iyang kinaiya, ug unsay iyang nabuhat?

3 Unsa ang atong makat-unan mahitungod sa mga tawo, ug sa atong kaugalingon, gikan niini nga istorya?

4 Unsa ang atong makat-unan gikan niini nga istorya mahitungod sa pagkahimong mga disipulo?

5 Unsaon nimo pag aplikar ang kamatuoran sa Dios gikan niini nga istorya sa imong kinabuhi karong semanaha? Unsa ang imong maayong buhaton mahitungod niini?

6 Kinsa ang imong maistoryahan ani nga kamatuoran gikan niini nga istorya sa dili pa kita magkita pag-usab? Naa paba kay laing nailhan nga gusto usab nga makadiskobre sa pulong sa Dios niini nga app sama kanato?

7 Hapit na mahuman ang atong miting, atong desisyonan kung kanus-a ta magkita pag-usab ug kinsa ang mo-facilitate sa atong sunod nga panagkita.

8 Ako mong gidasig sa pagtimaan sa imong giingon nga buhaton, ug sa pagbasa pag-usab niini nga istorya sa mga adlaw sa dili pa kita magmiting pag-usab. Mahimong ipaambit sa facilitator ang teksto sa istorya o audio kung adunay wala niini. Sa atong paglakaw, atong pangayoon ang Ginoo nga tabangan ta Niya.