جەژنی پەسخە لەگەڵ قوتابییەکان

1 بە گوێرەی ئەوەی کەی لەوەتەی دوا جار یەکترمان بینیوە چی بەسەرتدا هاتووە ، ئەو شتە چییە کە بۆی سوپاسگوزاریت؟

2 ئەم هەفتەیە چی فشاری خستووەتە سەرت، و پێویستت بە چییە بۆ ئەوەی دۆخەکە باشتر بێت؟

3 پێداویستییەکانی خەڵکی کۆمەڵگاکەت چین، و چۆن دەتوانین یارمەتی یەکتر بدەین بۆ پڕکردنەوەی ئەو پێداویستییانەی کە باسمان کردوون؟

4 دوا جار کە یەکترمان بینی چیرۆکەکە چی بوو؟ دەربارەی خودا و خەڵک چی فێربووین؟

5 لە کۆتا كۆبوونەوەماندا، بڕیارت دا ئەوەی فێری بوویت جێبەجێی بکەیت. چیت کرد، و چۆن بوو؟

6 لە چیرۆکی ڕابردوودا چی شتێکت لەگەڵ کێ بەش کرد؟ وەڵامیان چۆن بوو؟

7 کۆتا جار کە یەکترمان بینی چەند پێداویستییەکمان دیاری کرد و پلانمان دانا بۆ پڕکردنەوەیپێداویستییەکان. چۆن بەڕێوەچوو؟

8 ئێستا، با چیرۆکی ئەمڕۆ لە خوداوە بخوێنینەوە...

¹⁷ لە یەکەم ڕۆژی جەژنی فەتیرەدا، قوتابییەکان هاتنە لای عیسا و لێیان پرسی: «دەتەوێ لەکوێ ئامادەکاریت بۆ بکەین تاکو نانی پەسخە بخۆیت؟» ¹⁸ فەرمووی: «بڕۆنە ناو شار، بۆ لای فڵانە کەس، پێی بڵێن: ”مامۆستا دەفەرموێ، کاتم نزیک بووەتەوە، لەگەڵ قوتابییەکانم لەلای تۆ نانی پەسخە دەخۆم.“» ¹⁹ قوتابییەکانیش فەرمانی عیسایان جێبەجێ کرد و نانی پەسخەیان ئامادە کرد. ²⁰ کە ئێوارە داهات، عیسا لەگەڵ دوازدە قوتابییەکە پاڵی دایەوە. ²¹ کاتێک نانیان دەخوارد، فەرمووی: «ڕاستیتان پێ دەڵێم: یەکێکتان بە گرتنم دەدات.» ²² ئەوانیش زۆر خەمبار بوون، هەریەکە پێیان گوت: «گەورەم، خۆ ئەو کەسە من نیم؟» ²³ وەڵامی دایەوە: «ئەوەی لەگەڵم دەست دەخاتە ناو قاپەکە، ئەو بە گرتنم دەدات. ²⁴ کوڕی مرۆڤ دەبێت وەک ئەوەی لەبارەیەوە نووسراوە بڕوات، بەڵام قوڕبەسەر ئەوەی کوڕی مرۆڤ بە گرتن دەدات! باشتر بوو بۆ ئەو کەسە هەر لەدایک نەبووایە.» ²⁵ ئینجا یەهوزا، ئەوەی بە گرتنی دەدات، وەڵامی دایەوە: «ڕابی، خۆ ئەو کەسە من نیم؟» پێی فەرموو: «خۆت گوتت.» ²⁶ کاتێک نانیان دەخوارد، عیسا نانێکی هەڵگرت، سوپاسی خودای کرد و لەتی کرد، دایە قوتابییەکان و فەرمووی: «وەریبگرن و بیخۆن، ئەمە جەستەی منە.» ²⁷ ئینجا جامێکی هەڵگرت و سوپاسی خودای کرد، پێیدان و فەرمووی: «هەموو لێی بخۆنەوە، ²⁸ چونکە ئەمە خوێنی منە، خوێنی پەیمانەکەیە کە لە پێناوی خەڵکێکی زۆر بۆ گوناه بەخشین دەڕژێت. ²⁹ پێتان دەڵێم: لەمەودوا ئیتر لەم بەرهەمەی مێو ناخۆمەوە، هەتا ئەو ڕۆژە دێت کە سەر لە نوێ لە شانشینی باوکم لەگەڵتان دەیخۆمەوە.» ³⁰ ئینجا گۆرانیی ڕۆحییان گوت و چوون بۆ دەرەوەی شار بۆ کێوی زەیتوون.

1 ئێستا، با کەسێک ئەم بەشە بە وشەکانی خۆی بگێڕێتەوە، وەک ئەوەی بۆ هاوڕێیەک باسی بکات کە پێشتر هەرگیز نەیبیستبێت. با یارمەتییان بدەین ئەگەر شتێکیان بیرچوو یان بە هەڵە شتێکیان زیاد کرد. ئەگەر ئەوە ڕوویدا دەتوانین بپرسین، "لە کوێی چیرۆکەکەدا ئەوەت دۆزیەوە؟"

2 ئەم چیرۆکە چی فێری ئێمە دەکات دەربارەی خودا، کەسایەتییەکەی و ئەوەی کە دەیکات؟

3 لەم چیرۆکەوە چی فێر دەبین دەربارەی خەڵک، بە خۆمانیشەوە؟

4 لەم هەفتەیەدا چۆن ڕاستی خودا لەم چیرۆکەوە لە ژیانتدا جێبەجێ دەکەیت؟ ئەو کردارە یان شتە دیاریکراوە چییە کە ئەنجامی دەدەیت؟

5 پێش ئەوەی جارێکی تر یەکتر ببینینەوە، ڕاستییەک لەم چیرۆکە لەگەڵ کێ بەش دەکەیت؟ ئایا کەسانی تر دەناسیت کە حەز بکەن وەک ئێمە وشەی خودا لەم ئەپەدا بدۆزنەوە؟

6 کە کۆبوونەوەکەمان بەرەو کۆتایی دەچێت، با بڕیار بدەین کەی جارێکی تر یەکتر دەبینینەوە و کێ ئاسانکاری بۆ کۆبوونەوەی داهاتوومان دەکات.

7 هانتان دەدەین بۆ تێبینی وەرگرن بۆ ئەوەی کە گوتتان دەیکەن، و لەو ڕۆژانەی پێش ئەوەی جارێکی دیکە یەکتر دەبینینەوە، ئەم چیرۆکە بخوێننەوە. ئاسانکارەکە دەتوانێت دەق یان دەنگی چیرۆکەکە بڵاوبکاتەوە ئەگەر هەرکەسێک نییەتی. لەکاتی ڕۆیشتنماندا، با داوا لە پەروەردگار بکەین یارمەتیمان بدات.