Liman n Ibrahim

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Ameɣlal yenna i Abram : Ṛuḥ si tmurt-ik, seg wedrum-ik d wexxam n baba-k, ɣer tmurt ara ak-d-ssekneɣ. ² Ad ak-rreɣ d lǧens ameqqran yerna ad ak-barkeɣ ; ad rreɣ isem-ik d ameqqran. Ad tiliḍ d lbaraka i wiyaḍ. ³ Ad barkeɣ wid ara ak-ibarken, ad neɛleɣ win ara ak-ineɛlen. Iderman akk n lqaɛa ad ttubarken yis-k. ⁴ Iṛuḥ Abram, akken i as-yenna Umeɣlal, idda yid-s Luṭ. Abram yella yesɛa di leɛmeṛ-is 75 yiseggasen asmi yeffeɣ si Ḥaran. ⁵ Iddem Abram tameṭṭut-is Saṛay akked mmi-s n gma-s Luṭ, wwin akk cci-nsen akked iqeddacen i kesben di Ḥaran, ṛuḥen ɣer tmurt n Kanɛan. Mi wwḍen ɣer Kanɛan, ⁶ zegren tamurt armi d amkan iwumi qqaren Cakim, armi d tasaft n Mura. Tallit-nni Ikanɛaniyen llan zedɣen tamurt-nni. ⁷ Ameɣlal iban-d i Abram yenna : Ad fkeɣ tamurt-agi i tedfert-ik. Dɣa yebna Abram dinna yiwen udebder n iseflawen i Umeɣlal i as-d-ibanen.

¹ Mbeɛd tidyanin-agi, yenna Umeɣlal imeslayen-agi i Abram deg yiwen uweḥḥi : Ur ttaggad ara ay Abram ! D nekk s timmad-iw i d aɣaṛ-inek, lxir i ak-ittṛaǧun meqqer mliḥ ! ² Yerra-yas Abram : Ay Illu Ameɣlal, acu ara iyi-d-tefkeḍ ? Aql-iyi d amengur, yerna awṛit n wexxam-iw d Ilyazer n Dimacq. ³ Yerna yenna Abram : Atah ur iyi-d-tefkiḍ ara dderya, d win i ilulen deg wexxam-iw ara iyi-weṛten. ⁴ Dɣa yenna-yas Umeɣlal imeslayen-agi : Mačči d netta ara ak-iweṛten, lameɛna d win ara d-iffɣen seg-k ara ak-iweṛten. ⁵ Yewwi-t ɣer beṛṛa yenna-yas : Ssiked ɣer igenni tḥesbeḍ itran ma tzemreḍ ad ten-tḥesbeḍ. Yerna yenna-yas : Akka ara ad ggten warraw-ik. ⁶ Abram yumen s Umeɣlal, ɣef wayagi, Ameɣlal iḥseb-it d uɣdim.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.