Tiɣṛi n Yillu i Musa

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

²³ Iɛedda zzman, yemmut ugellid n Maṣer. At Isṛail mazal ttnazaɛen seddaw uzaglu n tkelwa, ɛeggḍen si leqheṛ n tkelwa armi yewweḍ ṣṣut-nsen ɣer Yillu. ²⁴ Yesla-d Yillu i nnhati-nsen, immekta-d tamsisit i yexdem akked Ibrahim, Isḥaq d Yaɛqub. ²⁵ Imuqel-d Yillu ɣer wat Isṛail, yerna yeẓra liḥala-nsen.

¹ Yella Musa ikess taqeḍɛit n uḍeggal-ines Yitru i yellan d amesfel n Midyan, yenheṛ taqeḍɛit-nni akkin i unezruf, yewweḍ armi d udrar n Yillu, deg Ḥurib. ² Iban-as-d lmelk n Umeɣlal deg ujajiḥ n tmes deg tlemmast n yiwen umadaɣ. Imuqel Musa, iwala amadaɣ-nni tekker deg-s tmes meɛna ur ireqq ara, ³ dɣa yenna : Ṛǧu ad zziɣ akken ad waliɣ leɛǧeb-agi yessewhamen ! Acuɣer ur tečči ara times amadaɣ-agi ? ⁴ Mi yeẓra Umeɣlal d akken yezzi i wakken ad iwali, issawel-as-d Yillu seg umadaɣ-nni, yenna : A Musa ! A Musa ! Yerra-yas Musa : Aql-iyi. ⁵ Yenna-yas Yillu : Ur d-tettqerrib ara ɣer da, kkes arkasen-ik seg iḍarren-ik, axaṭer amḍiq-nni anda i tbeddeḍ d akal iqedsen. ⁶ Yenna-yas daɣen : Nekk d Illu n baba-k, d Illu n Ibrahim, d Illu n Isḥaq, d Illu n Yaɛqub. Yeffer Musa udem-is axaṭer yuggad ad imuqel ɣer Yillu. ⁷ Ameɣlal yenna : Aql-i walaɣ ddel n wegdud-iw i yellan di Maṣer, sliɣ-d i leɛyaḍ-is ɣef ddemma n wid i t-ittqehhiṛen, ẓriɣ lqerḥ-nsen. ⁸ Ṣubbeɣ-d i wakken ad ten-d-ssukkseɣ seg ifassen n Imaṣriyen, wad ten-ssaliɣ si tmurt-nni, ɣer yiwet n tmurt yelhan wessiɛen, tamurt yettfeggiḍen d ayefki d tammemt, anda zedɣen Yikanɛaniyen, Iḥitiyen, Iɛamuriyen, Ifiriziyen, Iḥiwiyen akked Iyabusiyen. ⁹ Atan tura yewweḍ-d ɣuṛ-i leɛyaḍ n wat Isṛail, yerna walaɣ leqheṛ s wayes i ten-qehṛen Yimaṣriyen. ¹⁰ Ad ak-ceggɛeɣ tura ɣer Ferɛun ; ṛuḥ, ssufeɣ-d agdud-iw, at Isṛail seg Maṣer. ¹¹ Yenna Musa i Yillu : D acu-yi nekk i wakken ad ṛuḥeɣ ɣer Ferɛun yerna ad d-ssufɣeɣ at Isṛail seg Maṣer ? ¹² Yenna-yas Yillu : Ad iliɣ yid-k, attah limaṛa ara ak-d-iseknen d akken d nekk i ak-iceggɛen : Asmi ara d-tessufɣeḍ agdud seg Maṣer, ad tɛebdem Illu deg udrar-agi. ¹³ Yenna Musa i Yillu : Atan ad ṛuḥeɣ ɣer wat Isṛail, ad sen-iniɣ : Iceggeɛ-iyi-d ɣuṛ-wen Yillu n lejdud-nwen, lameɛna i ma steqsan-iyi-d ɣef yisem-ik, amek ara sen-rreɣ ? ¹⁴ Yerra-yas Yillu i Musa : Nekki d “Win yellan”, yenna-yas daɣen, akka ara terreḍ i wat Isṛail : “Win yellan” iceggeɛ-iyi-d ɣuṛ-wen.

¹ Ameɣlal yenna i Musa : Muqel ! Aql-i sbeddeɣ-k am uṛebbit i Ferɛun, gma-k Harun ad yili am nnbi-inek. ² Kečč ad d-tiniḍ ayen akk ara ak-d-amṛeɣ, gma-k Harun ad t-yessiweḍ i Ferɛun i wakken ad iserreḥ i wat Isṛail ad ffɣen si tmurt-ines. ³ Lameɛna nekk ad sɣaṛeɣ ul n Ferɛun yerna ad sṭuqqteɣ licaṛat-inu d lbeṛhanat-inu di Maṣer. ⁴ Meɛna ur wen-d-yettḥessis ara Ferɛun, imiren ad ẓẓleɣ afus-iw ɣef Maṣer, ad ssufɣeɣ tizemmal-iw, agdud-iw at Isṛail seg tmurt n Maṣer s yizarafen imeqqranen. ⁵ Dɣa ad setɛeṛfen yimaṣriyen d akken d nekk i d Ameɣlal, mi ara d-ẓẓleɣ afus-iw ɣef Maṣer yerna ad ssufɣeɣ at Isṛail si gar-asen.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.