Tafugla n lɛid n Usuref

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Ameɣlal yenna i Musa akked Harun deg tmurt n Maṣer : ² Aggur-agi ad wen-yili d amezwaru n wagguren, ad wen-yili d aggur amezwaru n useggas. ³ Init i tmazdayt n Isṛail meṛṛa ayagi : Ass wis 10 n waggur-agi, ad ddmen yiwen yizimer i yal tawacult, yiwen yizimer i wexxam.

²¹ Issawel Musa i yimeqqranen meṛṛa n wat Isṛail, yenna-yasen : Ṛuḥet, ddmet-d lmal i twaculin-nwen, tezlum izimer n Lɛid n Usuref. ²² Ddmet-d tameqqunt n umezzir, bbɣem-tt deg idammen-nni yellan di lḥila, teḍlum-ten i wuqnaḍri akked yijga n tewwurt. Ur d-itteffeɣ ula d yiwen seg-wen seg uxxam alamma d ṣṣbeḥ. ²³ Atan ad d-iɛeddi Umeɣlal i wakken ad yewwet Maṣer. Mi ara iwali idammen ɣef yijga akked uqnaḍri, ad issuref ɣef tewwurt-nni, ur yettanef ara i wemsengar ad yekcem ɣer yexxamen-nwen akken ad yewwet. ²⁴ Ad tḥerzem ayagi d asaḍuf i kunwi d dderya-nwen i lebda ; ²⁵ Asmi ara tkecmem ɣer tmurt ara wen-d-yefk Umeɣlal akken i t-id-yenna, ad tḥerzem leqdic-agi. ²⁶ Mi ara kkun-steqsin warraw-nwen : D acu i d lmeɛna n leqdic-agi ? ²⁷ Ad sen-terrem : D asfel n Lɛid n Usuref i lmend n Umeɣlal, i yessurfen ɣef yexxamen n wat Isṛail di Maṣer mi akken i d-yewwet Imaṣriyen, ma d ixxammen-nneɣ iqal-iten. Yekna wegdud yerna iseǧǧed. ²⁸ At Isṛail ṛuḥen, xedmen ayen akk i d-yumeṛ Umeɣlal i Musa d Harun, xedmen akken. ²⁹ Di tnaṣfa n yiḍ, Ameɣlal yewwet-d imenza meṛṛa n tmurt n Maṣer, seg umenzu n Ferɛun i yeqqimen ɣef ukersi n tgeldit-is, alamma d amenzu n umeḥbus yellan di lḥebs, akked imenza meṛṛa n lmal. ³⁰ Yuki-d Ferɛun deg iḍ, netta d iqeddacen-is meṛṛa akked Imaṣriyen meṛṛa ; kkren yisuɣan d imeqqranen di Maṣer, axaṭer ulac axxam ur nesɛi lmeyyet. ³¹ Yessawel Ferɛun deg iḍ-nni kan i Musa akked Harun, yenna-yasen : Kkret, ffɣet si gar wegdud-iw s kunwi d wat Isṛail meṛṛa, ṛuḥet ad tɛebdem Ameɣlal akken i d-tennam !

⁴⁰ Zedɣen wat Isṛail 430 yiseggasen deg tmurt n Maṣer. ⁴¹ Mi wwḍen 430 yiseggasen, deg wass aneggaru swaswa, ffɣent-d akk tzemmal n Umeɣlal si Maṣer. ⁴² Iḍ-nni, d iḍ n uɛiwez ɣef ddemma n Umeɣlal, axaṭer issufeɣ-iten-d si tmurt n Maṣer ; ad ttɛawazen deg-s wat Isṛail meṛṛa i lmend n Umeɣlal si tsuta ɣer tsuta.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.