Tallit n Uɛaṣi

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹⁰ Tasuta-nni meṛṛa terna ula d nettat ɣer lejdud-is ; tekker-d tasuta nniḍen deffir-s ur tessin Ameɣlal, ur twala ayen akk i yexdem i lmend n wat Isṛail. ¹¹ At Isṛail xedmen cceṛ zdat n Umeɣlal, ɛebden iṛebbiten n Baɛl. ¹² Ǧǧan Ameɣlal, Illu n lejdud-nsen i ten-d-issufɣen seg Maṣer, ḍefren iṛebbiten nniḍen gar iṛebbiten n yigduden i sen-d-yezzin ; knan zdat-sen dɣa sserfan Ameɣlal. ¹³ Ǧǧan Ameɣlal i wakken ad ɛebden iṛebbiten n Baɛl akked Ɛactarut. ¹⁴ Ameɣlal yerfa ɣef wat Isṛail. Yeǧǧa-ten gar ifassen n iḥewwaṣen i ten-iɛerran ; yefka-ten i yiɛdawen i sen-d-yezzin armi ur zmiren ara ad ṭṭfen zdat-sen ; ¹⁵ yal tikkelt ideg ara ffɣen ɣer imenɣi, afus n Umeɣlal yettili mgal-nsen i lexṣara-nsen, akken i sen-t-id-yenna Umeɣlal, d wakken i sen-t-id-yeggull. S wakka teɣli-d fell-asen ccedda tameqqrant. ¹⁶ Syenna Ameɣlal yesbedd inezzurfa i ten-id-iselken seg ufus n wid i ten-ittɛerrin. ¹⁷ Meɛna at Isṛail ur smuzgten ara daɣen i yinezzurfa-nsen, ɛebden iṛebbiten nniḍen, knan-asen. Wexxṛen s lemɣawla i webrid i ḍefren lejdud-nsen, ur ḍuɛen ara am nutni lumuṛat n Umeɣlal. ¹⁸ Mi ara sen-d-isbedd Umeɣlal anezzarfu, Ameɣlal yettili yid-s, yerna yettsellik at Isṛail seg ufus n yiɛdawen-nsen kra ara yidir unezzarfu-nni ; axaṭer ttɣaḍen Ameɣlal mi ara ttnazaɛen seddaw n uzaglu n wid i ten-ittqehhiṛen. ¹⁹ Lameɛna akken kan ara yemmet unezzarfu-nni, ttuɣalen ɣer usettwiɣi ugar n lejdud-nsen, ttṛuḥun ɛebbden iṛebbiten nniḍen yerna kennun-asen, ur ṭṭixiṛen ara ɣef yir lecɣal-nsen d yir tikli-nsen. ²⁰ Ameɣlal yerfa ɣef wat Isṛail, dɣa yenna : Agdud-agi yerẓa tamsisit i xedmeɣ akked lejdud-nsen yerna ur d-smuzegten ara i ṣṣut-iw, ²¹ ula d nekk daɣen ur ttɛawadeɣ ad ssufɣeɣ ula d yiwen wemdan seg yigduden-nni i yeqqimen deg tmurt seg mi yemmut Yacuɛa, ²² i wakken ad jeṛṛbeɣ s yis-sen Isṛail, ad ẓreɣ ma ad ddun deg ubrid-iw, ad nadin ɣef lebɣi-w akken i xedmen lejdud-nsen. ²³ Ameɣlal yeǧǧa ihi ad qqimen igduden-nni ur yessufeɣ ara Yacuɛa, ur iɣawel ara ad ten-isnejli.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.