Yeḥya Aɣeṭṭas Icehhed ɣef Umsellek

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Akka i yebda Lexbeṛ n Lxir n Ɛisa Lmasiḥ, Mmi-s n Yillu. ² Am akken yura di tektabt n nnbi Icaɛya : Ad zzewreɣ zdat-k amceggeɛ-iw, ad ak-ifres abrid. ³ D taɣect n win ittɛeggiḍen deg unezruf : Heggit abrid i Umeɣlal, ssemsawit iberdan-is ! ⁴ Iban-d Yeḥya Aɣeṭṭas deg unezruf, isseɣḍas lɣaci deg waman, iqqar-asen : Beddlet tikli, aset-d ad tettwiɣeḍsem i wakken ad wen-iɛfu Yillu. ⁵ Imezdaɣ meṛṛa n tmurt n Yahuda d wid n temdint n Urucalim ttṛuḥun-d ɣuṛ-s, ttqirrin s ddnubat-nsen zdat lɣaci dɣa Yeḥya isseɣḍas-iten deg wasif n Urdun. ⁶ Ilsa llebsa yettwaxedmen s ccɛeṛ n welɣem, ibges tabagust n weglim ɣef wammas-is. Lqut-is d ajṛad akked tamment n lexla. ⁷ Ittbecciṛ iqqar : Win ara d-yasen deffir-i yugar-iyi, yesɛa tazmert akteṛ-iw ; ur uklaleɣ ara ad knuɣ ad as-fsiɣ ula d lexyuḍ n warkasen-is. ⁸ Nekk sseɣḍaseɣ-kkun deg waman, lameɛna netta ad kkun-isseɣḍes s Ṛṛuḥ imqeddes.

²⁹ Azekka-nni, Yeḥya iwala Sidna Ɛisa iteddu-d ɣuṛ-s, inṭeq s ṣṣut ɛlayen : Atah Izimer n Yillu, d win ittekksen ddnub n ddunit. ³⁰ Fell-as i wen-d-nniɣ : “Ad d-yas yiwen, zwareɣ-t-id meɛna yella uqbel ad d-iliɣ.” ³¹ Nekk s yiman-iw ur ẓriɣ ara anwa-t meɛna usiɣ-d ad sɣeḍseɣ deg waman akken ad t-issinen wat Isṛail. ³² Yeḥya yerna inna-d : Walaɣ Ṛṛuḥ imqeddes iṣubb-d seg igenni s ṣṣifa n tetbirt yers-d fell-as. ³³ Nekk ur ẓriɣ ara d akken d netta, meɛna Illu i yi-d-iceggɛen i wakken ad sɣeḍseɣ deg waman, inna-yi-d : “Ad twaliḍ Ṛṛuḥ iṣubb-d seg igenni, ad d-irs ɣef yiwen wergaz, d netta ara yesɣeḍsen imdanen s Ṛṛuḥ imqeddes.” ³⁴ Ayagi d ayen i ẓrant wallen-iw, daymi i d-cehdeɣ fell-as qqareɣ : Argaz-agi d Mmi-s n Yillu.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.