Tazmert n Yasuɛ

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

³⁵ Ass-nni yakan mi yeɣli yiṭij, yenna Sidna Ɛisa i yinelmaden-is : Yyaw ad nzegret ɣer ugemmaḍ n yilel. ³⁶ Mi yerra lɣaci-nni, iṛuḥ yid-sen di teflukt i deg yella. Ddant yid-s kra teflukin nniḍen. ³⁷ Tekker-d yiwet n tbuciḍant, tessalay-d lemwaji ɣer teflukt tettacaṛ-itt. ³⁸ Sidna Ɛisa yella iṭṭes di teflukt deffir n inelmaden-is, issers aqerruy-is ɣef tsumta. Ssakin-t-id nnan-as : A Sidi, ɛni ur ak-tewqiɛ ara ma nemmut ? ³⁹ Ikker-d Sidna Ɛisa, iɛeggeḍ ɣef waḍu, yenna i yilel : Ssers iman-ik ! Ssusem ! Yers waḍu-nni, dɣa tuɣal-d talwit. ⁴⁰ Yenna i yinelmaden-is : Acuɣer i tuggadem akka ? Mazal ur tuminem ara ? ⁴¹ Meɛna ikcem-iten akk lxuf d ameqqran, qqaren wway gar-asen : Anwa-t wagi iwumi ttaɣen awal ula d aḍu d yilel ?

¹ Usan-d seg ugemmaḍ n yilel ɣer tmurt n Ijiraziyen. ² Akken kan i d-irs Sidna Ɛisa si teflukt, ataya yiwen wergaz yezdeɣ uṛuḥani, iffeɣ-d si tjebbant iteddu-d ɣuṛ-s. ³ Illa yezdeɣ gar iẓekwan, yiwen ur izmir ad t-yarez ula s snesla ⁴ axaṭer acḥal d abrid i t-qqnen s ixelxalen n wuzzal deg iḍarren, s snasel deg ifassen, meɛna isseɣras-iten akk, daymi ur izmir yiwen ad t-iṭṭef. ⁵ Iḍ d wass netta yettmenṭar gar iẓekwan akked tɣaltin, ittɛeggiḍ, ijerreḥ iman-is s iblaḍen. ⁶ Mi iwala Sidna Ɛisa si mebɛid, yuzzel iɣli ɣef tgecrar zdat-s. ⁷ Iɛeggeḍ s lǧehd : D acu i tebɣiḍ ɣuṛ-i a Ɛisa, a Mmi-s n Win-Ɛlayen ? Di leɛnaya-k, greɣ-ak-d Illu, ur iyi-ttɛettib ara ! ⁸ Axaṭer Sidna Ɛisa iqqar-as : Ffeɣ seg wemdan-agi ay aṛuḥani ! ⁹ Isteqsa-t inna-yas : Isem-ik ? Irra-yas-d : Isem-iw tarbaɛt, axaṭer deg waṭas yid-neɣ i nella. ¹⁰ Dɣa ttḥellilen deg-s rennun i wakken ur ten-issufuɣ ara si tmurt-nni. ¹¹ Yuɣ lḥal tella dinna yiwet n tqeḍɛit n yilfan kessen ; ¹² ḥellelen-t nnan-as : Di leɛnaya-k, eǧǧ-aɣ ad nekcem deg yilfan-agi. ¹³ Iserreḥ-asen, dɣa ffɣen seg wergaz-nni, kecmen deg ilfan-nni, imiren grarben seg wedrar ɣer yilel, llan deg wazal n walfin yid-sen, ɣeṛqen meṛṛa. ¹⁴ Wid ikessen ilfan-nni rewlen, ssawḍen lexbeṛ ɣer temdint akked tudrin dɣa lɣaci ṛuḥen-d ad walin ayen iḍran. ¹⁵ Mi d-wwḍen ɣer Sidna Ɛisa, walan win akken tezdeɣ terbaɛt n iṛuḥaniyen iqqim, ilsa llebsa, yuɣal-d ɣer leɛqel-is ; dɣa ikcem-iten lxuf. ¹⁶ Wid i iḥedṛen ḥekkun-d i wiyaḍ ayen iḍran d win yettwazedɣen akked tqeḍɛit-nni n yilfan. ¹⁷ Imiren bdan ttḥellilen Sidna Ɛisa ad iffeɣ si tmurt-nsen. ¹⁸ Akken iteddu Sidna Ɛisa ad yali ɣef teflukt, win akken yellan ittwazdeɣ ittḥellil deg-s iqqar-as : Di leɛnaya-k eǧǧ-iyi ad dduɣ yid-k. ¹⁹ Lameɛna Sidna Ɛisa yugi-yas, inna-yas : Uɣal ɣer wexxam-ik d iḥbiben-ik, teḥkuḍ-asen ayen i ak-ixdem Ameɣlal. ²⁰ Iṛuḥ, ibda ittberriḥ di ɛecṛa n temdinin-nni ayen akk i as-ixdem Sidna Ɛisa. Kra win i as-islan itɛeǧǧeb.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.