Ṛebbi Yettnadi ɣef Wid Iḍaɛen

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Imekkasen n tebzert akked yir imdanen ttasen-d ɣer Sidna Ɛisa i wakken ad as-slen. ² Ifariziyen d imusnawen n ṭawrat iɣaḍ-iten lḥal qqaren wway gar-asen : Argaz-agi yesteṛḥib s imednuben yerna yettɣimi yid-sen ɣer lmakla. ³ Dɣa yewwi-yasen Sidna Ɛisa lemtel-agi : ⁴ Anwa deg-wen ma yesɛa meyya wulli tṛuḥ-as yiwet deg-sent, ur ittaǧǧa ara di lexla tesɛa utesɛin nniḍen akken ad iṛuḥ ad d-inadi ɣef tin i as-iɛeṛqen alamma yufa-tt ? ⁵ Mi ara tt-yaf, ad tt-id-ibibb ɣef tuyat-is s lfeṛḥ. ⁶ Mi ara d-yaweḍ ɣer wexxam, ad issiwel i yimeddukal-is d lǧiran-is, ad sen-yini : Feṛḥet yid-i, atan ufiɣ tixsi-nni i yi-ɛeṛqen. ⁷ S wakka nniɣ-awen : Ad yili lfeṛḥ d ameqqran deg igenni ɣef yiwen umednub i d-yuɣalen ɣer webrid wala ɣef tesɛa utesɛin nniḍen ur neɛṛiq ara. ⁸ Neɣ anta tameṭṭut ma tesɛa ɛecṛa n twiztin tṛuḥ-as yiwet, ur tceɛɛel ara taftilt, ur tberrez ara axxam akken ad tqelleb fell-as alamma tufa-tt ? ⁹ Mi tt-tufa ad tessiwel i tmeddukal-is d tǧiratin-is ad sent-tini : Ufiɣ tawizett-nni i yi-ṛuḥen ! Feṛḥemt yid-i ! ¹⁰ S wakka ad wen-d-iniɣ : Ittili lfeṛḥ d ameqqran ɣer lmalayek n Yillu ɣef yiwen umednub i d-yuɣalen ɣer webrid. ¹¹ Inna-yasen daɣen : Yiwen wergaz yesɛa sin warrac. ¹² Ameẓyan deg-sen inna i baba-s : A baba, efk-iyi-d amur i yi-d-iṣaḥen deg wayla-k. Dɣa baba-s ifka-yas amur-is. ¹³ Mi Ɛeddan kra n wussan, ikker ameẓyan-nni ijmeɛ-d akk amur-is, izzenz-it, ibeddel tamurt, iṛuḥ ɣer yiwet n tmurt ibeɛden. Dinna yewwi-t zzhu, yesṛuḥ ayen akk yesɛa. ¹⁴ Mi i iṣerref akk idrimen-is, iɣli-d laẓ d ameqqran di tmurt-nni, ula d netta yuɣal illuẓ. ¹⁵ Yufa lxedma ɣer yiwen umezdaɣ n tmurt-nni, iceggeɛ-it ɣer tmizar-is ad iks ilfan. ¹⁶ Acḥal imenna ad ičč ula d axeṛṛub-nni i tetten yilfan-nni, meɛna yiwen ur as-d-ifki. ¹⁷ Ihi yebda yettxemmim deg iman-is inna : Acḥal n ixeddamen yellan ɣer baba ṛwan aɣṛum, nekk inɣa-yi laẓ dagi. ¹⁸ Ad kkreɣ kan ad uɣaleɣ ɣer baba, ad as-iniɣ : A baba ɛuṣaɣ Illu rniɣ-k keččini ; ¹⁹ ur uklaleɣ ara ad iliɣ d mmi-k, ḥseb-iyi am yiwen seg ixeddamen-ik. ²⁰ Ikker iṛuḥ ɣer baba-s. Akken qṛib ad yaweḍ ɣer wexxam, baba-s iɛqel-it-id si mebɛid, iɣaḍ-it, yuzzel-d ɣuṛ-s. Iṭṭef-it gar iɣallen-is isellem fell-as. ²¹ Mmi-s inna-yas : A baba, ɛuṣaɣ Illu rniɣ-k keččini, ur uklaleɣ ara ad iyi-tḥesbeḍ d mmi-k. ²² Lameɛna baba-s ikker inna i yiqeddacen-is : Ɣiwlet awit-d abeṛnus-nni n leḥrir sselset-as-t, qqnet-as taxatemt i uḍad-is ternum-as arkasen i iḍarren-is. ²³ Awit-d agenduz-nni yeṭṭuqten tezlum-t ad t-nečč, ad nexdem tameɣṛa ; ²⁴ axaṭer mmi-nni i ḥesbeɣ immut yuɣal-d idder, yella yeɛṛeq tura iban-d. Dɣa bdan tameɣṛa.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.