Lɛid n Usuref akked yinelmaden

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹⁷ Ass amezwaru n lɛid n weɣṛum mebla tamtunt, usan-d yinelmaden ɣer Sidna Ɛisa nnan-as : A sidi, anda i tebɣiḍ ad ak-nheggi imensi n Lɛid n Usuref ? ¹⁸ Irra-yasen : Ṛuḥet ɣer temdint, ɣer leflani, init-as : Inna-yak Ssid-nneɣ, lweqt-iw iwweḍ-d, deg uxxam-ik ara sɛeddiɣ Lɛid n Usuref nekk d inelmaden-iw. ¹⁹ Inelmaden-nni xedmen ayen i sen-inna Sidna Ɛisa, heggan imensi n Lɛid n Usuref. ²⁰ Mi d-teɣli tmeddit, yeqqim Sidna Ɛisa ad yečč akked inelmaden-is. ²¹ Mi llan tetten inna-yasen : Ad wen-iniɣ tidett : Yiwen seg-wen ad iyi-izzenz. ²² Mi d-inna ayagi, ikcem-iten akk leḥzen d ameqqran, bdan qqaren-as yiwen yiwen : Neɣ mačči d nekk a sidi ? ²³ Irra-yasen : Win igren afus-is yid-i deg uḍebsi, d netta ara iyi-izzenzen. ²⁴ Ad iḍru d Mmi-s n wemdan akken yura fell-as ; meɛna a nnger n win ara t-izzenzen, lemmer ur d-ilul ara axir-is. ²⁵ Yudas ara t-ixedɛen inṭeq yenna-yas : Ɛni d nekk a sidi ? Sidna Ɛisa irra-yas : Atan tenniḍ-t-id ! ²⁶ Mi llan tetten, yeddem-d Sidna Ɛisa aɣṛum, iḥmed Ṛebbi, icekkeṛ-it, dɣa ibḍa-t, ifṛeq-it i yinelmaden-is, inna-yasen : Ččet aɣṛum-agi : D tafekka-w. ²⁷ Iddem-d daɣen taqbuct, iḥmed Illu, icekkeṛ-it, ifka-yasen-tt, inna-yasen : Swet akk si teqbuct-agi, ²⁸ axaṭer ayagi d idammen-iw, d idammen n temsisit, ara yazzlen ɣef yizumal n lɣaci ɣef ddemma n leɛfu n ddnubat-nsen. ²⁹ Ad wen-d-iniɣ : Ur ttuɣaleɣ ara ad sweɣ seg waman-agi n tẓurin alamma d ass i deg ara ten-sweɣ d imaynuten yid-wen, di tgelda n Baba. ³⁰ Mi fukken leḥmadi, ulin ɣer yiɣil Uzemmur.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.