Yasuɛ deg igenwan

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

⁹ Mbeɛd ayagi, walaɣ izumal n lɣaci, ur izmir yiwen ad sen-d-issufeɣ leḥsab, d imdanen n mkul lǧens, n mkul tamurt, n mkul agdud, n mkul tutlayt. Bedden zdat n ukersi n tgeldit d zdat n Izimer-nni, lsan llebsa tamellalt, wwin-d tiseḍwa n tezdayin deg ifassen-nsen. ¹⁰ Ttɛeggiḍen s taɣect ɛlayen qqaren : Leslak ikka-d sɣuṛ Illu-nneɣ iqqimen ɣef ukersi n tgeldit, akked Izimer. ¹¹ Lmalayek meṛṛa zzin-d i ukersi-nni n tgeldit, i yemṛayen akked ṛebɛa lxuluq-nni ; uɣalen ɣef wudem zdat ukersi-nni n tgeldit ttɛebbiden Illu, ¹² qqaren : Amin. Lḥemd, tamanegt, lekyasa, ccekṛan, ccan, tazmert d lǧehd i Yillu-nneɣ si tsuta ɣer tsuta ! Amin. ¹³ Yiwen seg imṛayen-nni yenṭeq-d inna-yi-d : Wid yelsan ijellaben icebḥanen, anwa-ten ? Ansi i d-usan ? ¹⁴ Rriɣ-as : D kečč i yeẓran a sidi. Yerra-yi-d : Wigi, d wid isɛeddan leqheṛ d ameqqran ; ssarden ijellaben-nsen, ssazdgen-ten deg idammen n Izimer. ¹⁵ Daymi i bedden zdat ukersi n tgeldit n Yillu, ttɛebbiden-t iḍ d wass deg ufakan-is. Win iqqimen ɣef ukersi n tgeldit, ad ten-iḥader ; ¹⁶ ur ttuɣalen ad llaẓen, ur ttuɣalen ad ffaden, ur ten-ittḥaz yiṭij neɣ leḥmu. ¹⁷ Imi Izimer yellan di tlemmast n ukersi n tgeldit, d netta ara yilin d ameksa-nsen, ad ten-yawi ɣer wanda ttazzalen waman n lɛinseṛ, ad sen-isfeḍ Yillu imeṭṭawen seg wallen-nsen.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.