Anwa i d Yasuɛ?

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Di tazwara yella Wawal, Awal yella akked Yillu, Awal yella d Illu. ² Si tazwara, yella akked Yillu, ³ kullec ittwaxleq s yis ; deg wayen meṛṛa yettwaxelqen, ulac ayen ur d-nekki ara sɣuṛ-s. ⁴ Deg-s i tella tudert ; tudert-agi tella d tafat i yimdanen. ⁵ Tafat tettfeǧǧiǧ di ṭṭlam, meɛna ṭṭlam ur tt-iqbil ara. ⁶ Yella yiwen wergaz ittwaceggeɛ-d sɣuṛ Yillu, argaz-agi isem-is Yeḥya ; ⁷ yusa-d ad yili d anagi n tafat i wakken imdanen meṛṛa ad amnen s cchada-ines. ⁸ Mačči d netta i d tafat, netta yusa-d d anagi n tafat. ⁹ Tafat-agi d tafat n tidett, tusa-d ɣer ddunit i wakken ad tecṛeq ɣef yal amdan. ¹⁰ Tella di ddunit, ddunit s yis i tettwaxleq yerna ddunit ur tt-teɛqil ara. ¹¹ Tusa-d ɣer wayla-s lameɛna ayla-s ur tt-qbilen ara. ¹² Ma d wid i tt-iqeblen yumnen yis, widak tɛuzz-iten, uɣalen d arraw n Yillu, ¹³ mačči s tlalit n wemdan i d-lulen, mačči s lebɣi n tnefsit neɣ s lebɣi n wemdan, lameɛna s Yillu. ¹⁴ Awal yuɣal d amdan, iɛac gar-aneɣ, iččuṛ d tidett akked ṛṛeḥma. Nwala tamanegt-is, d tamanegt i d-ittunefken sɣuṛ Ubabat i Mmi-s awḥid. ¹⁵ Yeḥya iched-d fell-as zdat lɣaci yeqqar : D netta ɣef i wen-d-nniɣ : Win ara d-yasen deffir-iw izwar-iyi-d axaṭer yella uqbel ad iliɣ. ¹⁶ Isseṛwa-yaɣ s lxirat-is, lbaraka ɣef tayeḍ. ¹⁷ Ṭawrat tusa-d s ufus n Musa, ma d ṛṛeḥma d tidett usant-d s Ɛisa Lmasiḥ. ¹⁸ Werjin iwala yiwen Illu ; lameɛna Amemmit awḥid, yellan deg Ubabat ibeggen-aɣ-t-id.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.