D acu i k-d-yettak Yasuɛ, yerna d acu i k-yessutur?

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Kkset anezgum seg ulawen-nwen. Amnet s Yillu, amnet daɣen yis-i. ² Deg wexxam n Baba aṭas n tmezduɣin i yellan, ad ṛuḥeɣ ad wen-heggiɣ amkan ; lemmer ulac, tili nniɣ-awen-t-id. ³ Mi ara wen-heggiɣ amkan, ad d-uɣaleɣ ad kkun-awiɣ yid-i akken anda lliɣ ad tilim ula d kunwi. ⁴ Tessnem abrid yettawin ɣer wanda i ttedduɣ. ⁵ Ṭuma inna-yas : A Sidi, ur neẓri ara ɣer wanda ara tṛuḥeḍ, amek i tebɣiḍ ad nissin abrid ? ⁶ Sidna Ɛisa inna-yas : D nekk i d abrid, i d tidett, i d tudert. Yiwen ur d-ittas ɣer Baba anagar yis-i. ⁷ Ma tessnem-iyi, ad tissinem ula d Baba. Atan tura tessnem-t yakan yerna teẓram-t.

²³ Sidna Ɛisa yerra-yas : Win i yi-ḥemmlen ad ixdem ayen i d-nniɣ, Baba daɣen ad t-iḥemmel ! Ad d-nas i sin ɣuṛ-s, ad nezdeɣ ɣuṛ-s. ²⁴ Ma d win ur iyi-nḥemmel ara ur ixeddem ara ayen i d-nniɣ. Awal-agi i teslam mačči sɣuṛ-i i d-ikka meɛna d awal n Baba i yi-d-iceggɛen. ²⁵ Nniɣ-awen-d akk annect-agi skud mazal-iyi yid-wen. ²⁶ Lameɛna Amɛiwen, Ṛṛuḥ imqeddes ara d-iceggeɛ Baba s yisem-iw, ad wen-isselmed kullec yerna ad wen-d-ismekti ayen akk i wen-d-nniɣ. ²⁷ Ad ṛuḥeɣ meɛna ad wen-d-ǧǧeɣ lehna, d lehna-w ara wen-d-fkeɣ. Lehna ara wen-d-fkeɣ mačči am lehna i d-tettak ddunit. Daymi i wen-d-qqareɣ ur ttaggadet ara, kkset anezgum seg ulawen-nwen.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.