D acu i d lfayda n liman di Yasuɛ?

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

³ Sidna Ɛisa irra-yas : S tidett, s tidett ad ak-d-iniɣ : Ma ur d-iɛawed ara yiwen talalit, ur ittizmir ara ad iẓer tagelda n Yillu. ⁴ Nikudim yenna-yas : Amek i yezmer yiwen ad d-iɛiwed talalit ma yella d amɣaṛ ? Izmer ad yuɣal ɣer tɛebbuṭ n yemma-s ad d-iɛiwed talalit ? ⁵ Sidna Ɛisa irra-yas : Nniɣ-ak s tidett : Ma ur d-ilul ara yiwen seg waman akked Ṛṛuḥ, ur ittizmir ara ad ikcem tagelda n Yillu. ⁶ Win i d-ilulen seg wemdan d taṛwiḥt n wemdan, win i d-ilulen s Ṛṛuḥ imqeddes d ṛṛuḥ. ⁷ Ur ttawham ara imi i ak-d-nniɣ : “Ilaq ad d-tɛiwdem akk talalit.” ⁸ Aḍu ittṣuḍu ɣer wanda i as-ihwa, tselleḍ i ṣṣut-is lameɛna ur tẓerreḍ ara ansi d-ikka neɣ anda iteddu. Akka daɣen i yella ɣef kra n win i d-ilulen s Ṛṛuḥ imqeddes. ⁹ Nikudim inna-yas : Amek yezmer ad iḍru wayagi ? ¹⁰ Sidna Ɛisa irra-yas : Kečč d aselmad n wat Isṛail yerna ur tessineḍ ara annect-agi ? ¹¹ Ad ak-iniɣ tidett : Neqqar-d ayen kan i nessen, nettcehhid-d s wayen i nwala, lameɛna kunwi ur teqbilem ara cchada-nneɣ. ¹² Ma ur tuminem ara mi wen-d-hedṛeɣ ɣef temsalin n ddunit-agi amek ara tamnem s tid n igenwan ? ¹³ Yiwen ur yuli ɣer igenwan anagar Mmi-s n wemdan i d-iṣubben seg igenwan. ¹⁴ Akken i iɛelleq Musa azrem n nnḥas ɣef tgejdit deg unezruf, i ilaq ad ittuɛelleq daɣen Mmi-s n wemdan ¹⁵ i wakken kra n win yumnen yis, ad isɛu tudert n dayem. ¹⁶ Axaṭer Illu iḥemmel imdanen n ddunit meṛṛa armi i d-ifka Mmi-s awḥid i wakken kra n win yumnen s yis ur ittmettat ara meɛna ad isɛu tudert n dayem. ¹⁷ Ur d-iceggeɛ ara Yillu Mmi-s ɣer ddunit i wakken ad iḥaseb imdanen meɛna i wakken ad ten-isellek. ¹⁸ Win yumnen s yis ur ittuḥasab ara, ma d win ur numin ara atan ittuḥaseb yakan, imi ur yumin ara s Mmi-s awḥid n Yillu. ¹⁹ Atah lḥisab yellan fell-as : Tafat tusa-d ɣer ddunit meɛna imdanen ḥemmlen ṭṭlam axir n tafat, axaṭer lecɣal-nsen diri-ten. ²⁰ Kra n win ixeddmen cceṛ, ikṛeh tafat yerna ur ittqerrib ara ɣuṛ-s, ittaggad ad d-tessedheṛ yir lecɣal-is. ²¹ Ma d win iteddun di tidett ittas-d ɣer tafat akken ad d-iban d akken kra n wayen ixeddem, ixeddem-it di lebɣi n Yillu.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.