Ilaq a nṛaǧu aqhaṛ?

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹⁸ Ma tekṛeh-ikkun ddunit ilaq ad teẓrem d akken tekṛeh-iyi uqbel-nwen. ¹⁹ Lemmer n ddunit i tellam tili tḥemmel-ikkun imi d ayla-s. Lameɛna kunwi mačči n ddunit, axaṭer d nekk i kkun-id-ixtaṛen si tlemmast n ddunit, daymi i kkun-tekṛeh. ²⁰ Mmektit-d ayen i wen-d-nniɣ : Aqeddac werjin yugar Bab-is. Ma qehṛen-iyi ad kkun-qehṛen ula d kunwi ; ma ḥerzen imeslayen-iw ad ḥerzen imeslayen-nwen. ²¹ Ɣef ddemma-w ara xedmen akka, axaṭer ur ssinen ara win i yi-d-iceggɛen. ²² Lemmer ur d-usiɣ ara, lemmer ur sen-d-mmeslayeɣ ara tili ulac ddnub fell-asen lameɛna tura ddnub i yirawen-nsen. ²³ Win i yi-keṛhen ikṛeh daɣen Baba.

¹⁶ Atan, ad kkun-ceggɛeɣ am ulli gar wuccanen, ḥeṛcet ihi am izerman, tesɛum neyya am yetbiren. ¹⁷ Ḥadret ɣef yiman-nwen, axaṭer kra n yimdanen ad kkun-sbedden ɣer ccṛeɛ ; yerna ad kkun-wwten s ujelkaḍ di leǧwameɛ-nsen. ¹⁸ Ɣef ddemma n yisem-iw, ad kkun-sbedden zdat lḥekkam akked igelliden, i wakken am nutni am at leǧnas nniḍen, ad slen s yisem-iw. ¹⁹ Mi ara kkun-ṭṭfen, ur ttḥebbiṛet ara ɣef wamek ara temmeslayem, neɣ ɣef wayen ara d-tinim, imeslayen ara d-tinim, ad wen-d-ttunefken di teswiɛt-nni kan. ²⁰ Axaṭer mačči d kunwi ara imeslayen, meɛna d Ṛṛuḥ n Baba-twen ara d-immeslayen seg-wen. ²¹ Amdan ad ifk gma-s ɣer lmut, ababat ad ifk mmi-s, dderya ad d-kkren ɣer imawlan-nsen, ad ten-ssiwḍen ɣer lmut. ²² Ad kkun-keṛhen irkul ɣef ddemma n yisem-iw, meɛna win ara yeṭṭfen alamma d taggara, ad ittusellek.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.