D acu i d lmeɛna n uɣḍas? | Tiɣri n Yasuɛ | Kabyle (Algerian Tamazight)

Fellowship

1

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

2

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

3

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

4

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

5

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

6

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

7

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

8

Tura, eyyaw a nɣer teqṣiḍt n wass-a sɣur Ṛebbi...

At Ṛuma 6: 1-4

¹ Acu ara d-nini ihi ? Ad nkemmel ad nettɛici di ddnub i wakken ad timɣuṛ ṛṛeḥma n Yillu ? ² Ala ! Nekni i yemmuten deg wayen yeɛnan ddnub, amek ara nkemmel ad nettɛici deg-s ? ³ Neɣ ur teẓrim ara d akken nekni akk i yettwaɣeḍsen i wakken ad neddukel d Ɛisa Lmasiḥ, nettwaɣḍes yid-s di lmut-is ? ⁴ S weɣḍas, nettwamḍel yid-s i wakken, nekni daɣen ad d-neḥyu akken i d-iḥya Lmasiḥ si gar lmeyytin s tezmert n Ṛebbi, ad nekcem di tudert tamaynut.

At Galasya 3: 26-28

²⁶ Axaṭer tuɣalem akk d arraw n Yillu s liman di Ɛisa Lmasiḥ. ²⁷ Kunwi akk ittwaɣeḍsen s yisem n Lmasiḥ, tettɛicim tudert tamaynut yellan di Lmasiḥ. ²⁸ Ulac la asṛayli la Ayunani, la akli la ilelli, la argaz la tameṭṭut, axaṭer kunwi akk d yiwen di Ɛisa Lmasiḥ.

Lecɣal n Imceggɛen 10: 44-48

⁴⁴ Urɛad ifukk Buṭrus ameslay mi d-irs Ṛṛuḥ imqeddes ɣef wid akk yellan dinna, i yesmeḥsisen i wawal n Yillu. ⁴⁵ Wid i yeddan d Buṭrus, yellan d at Isṛail yumnen s Lmasiḥ, dehcen, wehmen imi d-ittunefk Ṛṛuḥ imqeddes ula i wid ur nelli ara n wat Isṛail. ⁴⁶ Axaṭer sellen-asen heddṛen s tutlayin nniḍen, yerna ttḥemmiden Illu. Dɣa yenna Buṭrus : ⁴⁷ Ɛni nezmer ad nḥeṛṛem seg weɣḍas deg waman wid iwumi i d-ittunefk Ṛṛuḥ imqeddes am nekni ? ⁴⁸ Dɣa Yefka lameṛ ad ttwiɣeḍsen s yisem n Ɛisa Lmasiḥ ; imiren ḥellelen-t ad yeqqim yid-sen kra n wussan.

Bible en kabyle © Alliance biblique universelle, 2024. Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.

Application

1

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

2

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

3

D acu i nelmed ɣef yimdanen, gar-asen ula d nekni, seg teqṣiḍt-agi?

4

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

5

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

6

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

7

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.