Inelmaden ḥemmlen Ṛebbi yerna ḥemmlen wiyyaḍ

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

³⁶ A sidi, anwa i d lameṛ ameqqran meṛṛa di ṭawrat ? ³⁷ Sidna Ɛisa irra-yas : Ad tḥemmleḍ Ameɣlal Illu-inek seg wul-ik, s teṛwiḥt-ik, s wayen yellan di tezmert-ik. ³⁸ D wagi i d lameṛ yellan d amezwaru yerna d ameqqran akk. ³⁹ Atah wayeḍ yesɛan azal annect umezwaru-agi : Ad tḥemmleḍ lɣiṛ-ik am yiman-ik. ⁴⁰ D sin lumuṛat-agi i d lsas n ṭawrat akked idlisen n lanbiya.

⁴ Slet-d ay at Isṛail : Ameɣlal Illu-nneɣ, d netta kan i d Ameɣlal. ⁵ Ad tḥemmleḍ Ameɣlal Illu-ik s wul-ik akk, s teṛwiḥt-ik akk d tezmert-ik akk. ⁶ Imeslayen-agi i ak-d-fkiɣ ass-a, ad jerden deg ul-ik. ⁷ Ales-iten i warraw-ik, mmeslay fell-asen mi ara tiliḍ deg uxxam-ik, mi ara tleḥḥuḍ deg ubrid, mi ara tegneḍ d mi ara d-tekkreḍ. ⁸ Arez-iten am tecṛeṭ ɣef ufus-ik, d taɛeṣṣabt ɣef unyir-ik. ⁹ Aru-ten ɣef yijga n wexxam-ik akked tewwura-inek.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

D acu i d-nelmed si teqṣiḍt-agi ɣef wamek ara nili d inelmaden?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.