Inelmaden ur zmiren ara ad mfaraqen ɣef leḥmala n Ṛebbi

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

²⁶ Akken daɣen Ṛṛuḥ imqeddes ittas-d ad aɣ-iɛiwen nekni ixuṣṣen di tezmert, axaṭer ur nessin ara ad neẓẓall akken ilaq ; lameɛna Ṛṛuḥ imqeddes s yiman-is ideɛɛu ɣef ddemma-nneɣ, s nnhati ur izmir yimi ad tent-d-yini s imeslayen ; ²⁷ imiren Illu yessnen ulawen, iẓra d acu i yessutur Ṛṛuḥ imqeddes, imi s lebɣi n Yillu i ideɛɛu ɣef wid ixtaṛ. ²⁸ Neẓra d akken Illu issufuɣ kullec ɣer lxir i wid i t-iḥemmlen, wid ixtaṛ s lebɣi-ines. ²⁹ Axaṭer wid akk i yextaṛ Yillu si zik, iqsed si tazwara ad ten-irr am Mmi-s i wakken ad yili d amenzu n waṭas n watmaten. ³⁰ Wid i yextaṛ Yillu si zik, d wid iwumi i d-issawel ; wid-nni iwumi yessawel irra-ten d iḥeqqiyen zdat-s, wid irra d iḥeqqiyen ifka-yasen amkan di tmanegt-is. ³¹ Acu ara d-nernu ihi ? Ma yella Illu yid-neɣ, anwa ara yilin mgal-nneɣ ? ³² Netta iqeblen ad isebbel Mmi-s ɛzizen, ifka-t d asfel fell-aɣ meṛṛa, amek ur aɣ-d-ittak ara daɣen kullec yid-s ? ³³ Anwa ara icetkin ɣef wid ixtaṛ Yillu ? D Illu i ten-ittarran d iḥeqqiyen ! ³⁴ Anwa i izemren ad iḥkem fell-asen ? Ɛisa Lmasiḥ d win immuten yerna iḥya-d si gar lmeyytin, yuli ɣer tama tayeffust n Yillu i wakken ad icafeɛ fell-aɣ ! ³⁵ Anwa i izemren ad aɣ-ifṛeq ɣef leḥmala n Lmasiḥ ? Ɛni d ddiq neɣ d ccedda, d leqheṛ neɣ d laẓ, d leɛra neɣ d ayen issagaden neɣ d ajenwi ? ³⁶ Am akken yura deg udlis n Ihellilen : Ɣef ddemma-inek i nettqabal lmut yal ass, ḥesben-aɣ am ulli i ttawin ɣer tmezliwt. ³⁷ Meɛna deg wannect-agi meṛṛa d nekni i iɣelben s Lmasiḥ i aɣ-iḥemmlen. ³⁸ Axaṭer ttekleɣ d akken ulac ayen i izemren ad aɣ-ifṛeq ɣef leḥmala n Yillu, di Ɛisa Lmasiḥ Ssid-nneɣ : Ama d lmut neɣ d tudert, d lmalayek neɣ d tigeldiwin, d leḥwayeǧ n tura neɣ d tid ara d-yasen, ³⁹ ama d ayen ɛlayen neɣ d ayen lqayen, ama d tizemmar n igenwan neɣ d tid n lqaɛa neɣ ayen akk yellan di txelqit.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

D acu i d-nelmed si teqṣiḍt-agi ɣef wamek ara nili d inelmaden?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.