Timezgida d tislit n Lmasiḥ

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

²⁵ Ay irgazen, mkul yiwen deg-wen ilaq ad iḥemmel tameṭṭut-is akken iḥemmel Lmasiḥ tamezdayt yerna isebbel tudert-is fell-as, ²⁶ i wakken ad tt-isseqdes, ad tt-yerr teṣfa s weɣḍas n waman akked wawal n Yillu. ²⁷ Yebɣa ad d-tban tmezdayt-agi zdat-s, teṣfa mebla ccwami, mebla akmac, mebla lɛib, ad tili d timqeddest, ulac deg-s ayen ara as-d-nessukkes. ²⁸ Akken daɣen, irgazen ilaq ad ḥemmlen tilawin-nsen am tfekka-nsen. Win iḥemmlen tameṭṭut-is d iman-is i iḥemmel. ²⁹ Ulac win ikeṛhen tafekka-s, lameɛna ittɛeyyic-itt, ittḥadar-itt am akken i ixeddem Lmasiḥ i tmezdayt, ³⁰ axaṭer d iselqam n tfekka-s i nella ; am akken yura : ³¹ Daymi argaz ilaq ad iǧǧ baba-s d yemma-s i wakken ad izdi d tmeṭṭut-is, dɣa di sin yid-sen ad uɣalen d yiwen. ³² Bɣiɣ ad wen-d-iniɣ d akken ayagi d lbaḍna tameqqrant iɛnan Lmasiḥ akked tmezdayt.

⁶ Rniɣ sliɣ i luluf n yimdanen am akken d ṣṣut n yilel mi ara yekker, am tiyita n ṛṛɛud, i yeqqaren : “Halliluya ! Axaṭer Ameɣlal, Illu-nneɣ, Anezmar, yesbedd tageldit-is. ⁷ Ad nezhu, ad nefṛeḥ, ad t-neḥmed axaṭer tewweḍ-d tmeɣṛa n Izimer, tislit thegga iman-is, ⁸ yettunefk-as ad tels lkettan arqaq yettfeǧǧiǧen.” Lkettan-agi ittmetil-d lecɣal yelhan n imqeddsen n Yillu. ⁹ Lmelk yenna-yi-d : Aru ayagi : D iseɛdiyen wid i d-ittwaɛerḍen ɣer imensi n tmeɣṛa n Izimer. Yenna-yi-d daɣen : Imeslayen-agi, d imeslayen n tidett n Yillu.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.