Timezgida d afakan n ṛṛuḥ yerna d lmuqedmin | Tilit d Tajmaɛt n Yasuɛ | Kabyle (Algerian Tamazight)

Fellowship

1

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

2

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

3

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

4

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

5

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

6

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

7

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

8

Tura, eyyaw a nɣer teqṣiḍt n wass-a sɣur Ṛebbi...

1 Buṭrus 2: 4-10

⁴ Qeṛṛbet ɣuṛ-s netta yellan d-aẓru-nni yeddren i ḍeggren yimdanen, meɛna ixtaṛ-it Yillu, axaṭer azal-is meqqer. ⁵ Ula d kunwi yellan am iẓra yeddren, dduklet i wakken ad tebnum axxam n ṛṛuḥ, ad tilim d tajmaɛt n imseflen ara iqeddmen iseflawen iqedsen ara iɛeǧben i Yillu s Ɛisa Lmasiḥ. ⁶ Axaṭer atan wayen yuran di Tira Iqedsen : Xtaṛeɣ-d aẓru yesɛan azal d ameqqran, sserseɣ-t di Ṣiyun, d aẓru n teɣmeṛt, win ara yamnen s yis ur ineddem ara. ⁷ Amarezg-nwen kunwi yumnen yis. Ma d wid ur numin ara : Adɣaɣ-nni i ḍeggren wid ibennun, d netta i yuɣalen d aẓru n teɣmeṛt. ⁸ D wagi i d aẓru i yuɣalen d ugur i yimdanen, d aẓru i ten-isseɣlayen. Imi ugin ad amnen s wawal n Yillu, ayen i ten-ittṛaǧun d ugur-agi ara ten-iɣeḍlen. ⁹ Kunwi d laṣel ufrin, d imseflen n ugellid, d lǧens yeṣfan, d agdud i d-ittwacafɛen. Tettwaxtaṛem i wakken ad tbeccṛem lecɣal yelhan n Win i kkun-id-issufɣen si ṭṭlam yewwi-kkun-d ɣer tafat-is isteɛǧiben. ¹⁰ Zik-nni ur tewwiḍem ara ula d lǧens, ma d tura tuɣalem d agdud n Yillu ; tellam zik-nni ur tesɛim ara ṛṛeḥma n Yillu, ma d tura tettunefk-awen-d.

Bible en kabyle © Alliance biblique universelle, 2024. Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.

Application

1

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

2

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

3

D acu i nelmed ɣef yimdanen, gar-asen ula d nekni, seg teqṣiḍt-agi?

4

Acu i d-nelmed si teqṣiḍt-agi ɣef wamek ara nili d timezgida?

5

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

6

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

7

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

8

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.