Timezgida yeddukklen

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

⁹ Deɛɛuɣ ɣuṛ-k fell-asen. Ur deɛɛuɣ ara ɣef yimdanen nniḍen lameɛna ɣef wid i yi-d-tefkiḍ, axaṭer nutni d ayla-k. ¹⁰ Ayen yellan d ayla-w inek, ayen yellan d ayla-k, inu. Tamanegt-iw tettfeǧǧiǧ deg-sen. ¹¹ Qṛib tura ad ffɣeɣ si ddunit, ad n-ṛuḥeɣ ɣuṛ-k meɛna nutni ad qqimen di ddunit. A Baba, ay Imqeddes ! Ḥerz-iten s tezmert n yisem-ik, isem-nni i yi-d-tefkiḍ i wakken ad uɣalen d yiwen, akken nella nekk yid-k d yiwen. ¹² Seg wasmi lliɣ gar-asen, ḥerzeɣ-ten s tezmert n yisem-ik, isem-agi i yi-d-tefkiḍ. Ḥerzeɣ-ten, yiwen deg-sen ur iḍaɛ anagar win i ilaq ad iḍiɛ, i wakken Tira Iqedsen ad nnekmilent. ¹³ Tura ad n-uɣaleɣ ɣuṛ-k, qqareɣ-d akk annect-agi skud mazal-iyi di ddunit, akken ad ččaṛen wulawen-nsen d lfeṛḥ am lfeṛḥ-iw ikemlen. ¹⁴ Fkiɣ-asen awal-ik meɛna at ddunit keṛhen-ten axaṭer am nekk am inelmaden-iw ur nelli ara n ddunit. ¹⁵ Ur ak-d-ssutreɣ ara akken ad ten-tekkseḍ si ddunit, meɛna ad ten-tmenɛeḍ si cciṭan. ¹⁶ Netni mačči n ddunit, akken ula d nekk ur lliɣ ara n ddunit. ¹⁷ Ḥerz-iten di tidett ; d awal-ik i d tidett. ¹⁸ Akken i yi-d-tceggɛeḍ ɣer ddunit, nekk daɣen ad ten-ceggɛeɣ. ¹⁹ Ɣef yisem-ik ad sebbleɣ iman-iw fell-asen, i wakken ula d nutni ad sebblen iman-nsen ɣef tidett. ²⁰ Mačči fell-asen kan i deɛɛuɣ, deɛɛuɣ daɣen ɣef wid akk ara yamnen yis-i s cchada n inelmaden-iw. ²¹ Ad ak-ssutreɣ a Baba ad uɣalen akk d yiwen. Akken telliḍ deg-i a Baba nekk daɣen lliɣ deg-k, ad uɣalen d yiwen i wakken at ddunit ad amnen d akken d kečč i yi-d-iceggɛen. ²² Fkiɣ-asen tamanegt i yi-d-tefkiḍ i wakken ad uɣalen d yiwen, akken nella nekk yid-k d yiwen : ²³ Nekk deg-sen, kečč deg-i. Ad uɣalen akk d yiwen, i wakken at ddunit meṛṛa ad amnen d akken d kečč i yi-d-iceggɛen, yerna tḥemmleḍ-ten akken i yi-tḥemmleḍ ! ²⁴ A Baba bɣiɣ wid meṛṛa i yi-d-tefkiḍ ad ilin yid-i anda ara yiliɣ, ad walin tamanegt i yi-d-tefkiḍ axaṭer tḥemmleḍ-iyi uqbel ad d-texleq ddunit. ²⁵ A Baba, Kečč yellan d aḥeqqi at ddunit ur ak-ssinen ara ma d nekk ssneɣ-k, wigi ẓran d akken d kečč i yi-d-iceggɛen. ²⁶ Sbeggneɣ-k-id ɣuṛ-sen yerna mazal ad ak-d-sbeggneɣ, i wakken tayri akk i yi-d-tefkiḍ ad tili deg-sen, nekk daɣen ad iliɣ deg-sen.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.