Timezgida tetteddu s Ṛṛuḥ

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

²⁶ Mi ara d-yas umɛiwen, win akken ara wen-d-ceggɛeɣ sɣuṛ Ubabat, Ṛṛuḥ n tidett ara d-yasen sɣuṛ-s, netta s yiman-is ara d-icehden fell-i.

⁵ Tura ad ṛuḥeɣ ɣer win i yi-d-iceggɛen ; atan yiwen deg-wen ur iyi-d-isteqsa ɣer wanda ara ṛuḥeɣ. ⁶ Imi i wen-d-nniɣ akka, leḥzen iččuṛ ulawen-nwen. ⁷ Ad wen-iniɣ tidett, ilha-yawen ma ṛuḥeɣ axaṭer ma ur ṛuḥeɣ ara, amɛiwen ur d-ittas ara ɣuṛ-wen, meɛna ma ṛuḥeɣ ad wen-t-id-ceggɛeɣ. ⁸ Mi ara d-yas, ad d-isbeggen i yimdanen d akken ɣelḍen ɣef wayen yeɛnan ddnub, lḥeqq, d lḥisab n Ṛebbi. ⁹ Ɣelḍen ɣef wayen yeɛnan ddnub, imi ugin ad amnen yis-i ; ¹⁰ ɣef wayen yellan d lḥeqq imi tedduɣ ɣer Baba yerna ur tettuɣalem ara ad iyi-twalim ; ¹¹ ɣelṭen ɣef wayen yeɛnan lḥisab n Ṛebbi, imi amesbaṭli n ddunit-agi ittuḥaseb yakan. ¹² Aṭas n lewṣayat i mazal ad wen-tent-d-iniɣ, lameɛna di teswiɛt-agi ur sent-tezmirem ara. ¹³ Asmi ara d-yas Ṛṛuḥ n tidett, ad kkun-iseddu di tidett akken tella, ayen ara wen-d-yini mačči sɣuṛ-s i d-ikka meɛna ad d-immeslay ɣef wayen akk i yesla yerna ad kkun-id-ixebbeṛ ɣef wayen akk ara yeḍrun ɣer zdat. ¹⁴ Ad d-isbeggen tamanegt-iw axaṭer sɣuṛ-i ara d-yawi ayen akk ara wen-d-yini. ¹⁵ Ayla n Baba d ayla-w ula d nekk. Daymi i wen-d-nniɣ sɣuṛ-i ara d-yawi ayen akk ara wen-d-yini.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.