Timezgida d tejmaɛt (agdud) n Ṛebbi

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

³⁶ Ilaq ihi at Isṛail meṛṛa ad ẓren s tidett d akken Ɛisa-nni i tsemmṛem, d netta i yerra Yillu d Ssid, d Lmasiḥ. ³⁷ Mi slan i wayen i d-inna Buṭrus, lɣaci meṛṛa saxen wulawen-nsen, nnan i Buṭrus d imceggɛen nniḍen : Ay atmaten, d acu ara nexdem ? ³⁸ Irra-yasen Buṭrus : Tubet, beddlet tikli ! Mkul yiwen deg-wen ad ittwiɣḍes s yisem n Ɛisa Lmasiḥ i wakken ad wen-ttwasemmḥen ddnubat-nwen, yerna ad wen-d-ittunefk Ṛṛuḥ imqeddes. ³⁹ Axaṭer lweɛd n Yillu, yettunefk-d i kunwi d warraw-nwen akked wid meṛṛa n leǧnas nniḍen iwumi ara d-issiwel Ameɣlal, Illu-nneɣ. ⁴⁰ Buṭrus inehhu-ten s waṭas n yimeslayen nniḍen, i wakken ad amnen, iqqar-asen : Xḍut i lǧil-agi iɛewjen i wakken ad tettusellkem ! ⁴¹ Wid iqeblen ayen i d-inna Buṭrus, qeblen ad ttwiɣeḍsen. Ass-nni rnan-d wazal n tlata alaf n yimdanen i yumnen. ⁴² Seg imiren, zgan ttnejmaɛen am atmaten i wakken ad slen i uselmed n imceggɛen ; beṭṭun aɣṛum n usmekti n Lmasiḥ, yerna deɛɛun s yiwen n wul. ⁴³ Tɛeǧǧben, tekcem-iten akk tuggdi mi ttwalin imceggɛen xeddmen aṭas n lbeṛhanat d leɛǧayeb. ⁴⁴ Wid akk yumnen, ttɛicin s tdukli yerna beṭṭun wway gar-asen ayen akk sɛan. ⁴⁵ Znuzun ayla-nsen meṛṛa, ayen akken i d-jemɛen, feṛqen-t wway gar-asen mkul yiwen ɣef leḥsab n wakken iḥwaǧ. ⁴⁶ Yal ass, s yiwen ṛṛay, ttnejmaɛen deg ufakan, ttnejmaɛen daɣen deg ixxamen-nsen, beṭṭun aɣṛum gar-asen, tetten lqut-nsen s wannuz d lfeṛḥ ; ⁴⁷ ttḥemmiden Illu, imdanen meṛṛa ttqadaṛen-ten ; Ameɣlal irennu-d yal ass ɣer tejmaɛt-nsen wid ittuselken.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.