Timezgida texdem lbeṛhanat d leɛǧayeb s Ṛṛuḥ

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹² Ad wen-iniɣ tidett : Win yumnen yis-i, ad ixdem ula d netta lecɣal i xeddmeɣ, yerna ad ixdem akteṛ axaṭer ad ṛuḥeɣ ɣer Baba. ¹³ Ayen akk ara tessutrem s yisem-iw ad t-xedmeɣ i wakken tamanegt n Ubabat ad d-tban s Mmi-s. ¹⁴ Ad wen-t-id-ɛiwdeɣ : Ma tessutrem kra s yisem-iw ad t-xedmeɣ.

¹² Aṭas n lbeṛhanat d lmuɛǧizat i xeddmen imceggɛen gar lɣaci. Wid yumnen ttnejmaɛen akk s yiwen ṛṛay deg wesqif n Sliman. ¹³ Lɣaci meṛṛa ttcekkiṛen-ten meɛna kukran akk ad d-rnun ɣuṛ-sen. ¹⁴ Leḥsab n yirgazen d tilawin yumnen s Sidna Ɛisa yettzad irennu. ¹⁵ Ttawin-d imuḍan ɣer iberdan, srusun-ten ɣef tgertyal i wakken mi ara d-iɛeddi Buṭrus, ad innal yiwen deg-sen xeṛsum s tili-ines. ¹⁶ Lɣaci ttazzalen-d daɣen ula si temdinin nniḍen iqeṛben tamdint n Urucalim ; ttawin-d imuḍan akked wid ittwazedɣen, ḥellun akken ma llan. ¹⁷ Ɣef ddemma n wayen iḍerrun kkrent-asen-d tismin i umesfel ameqqran akked isaduqiyen-nni yellan yid-s, ¹⁸ ṭṭfen imceggɛen, rran-ten ɣer lḥebs n baylek. ¹⁹ Lameɛna deg yiḍ-nni, yiwen lmelk n Umeɣlal yeldi tiwwura n lḥebs, issufeɣ-iten-id, inna-yasen : ²⁰ Ṛuḥet beccṛet deg ufakan, slemdet i lɣaci awal n tudert tamaynut. ²¹ Mi slan i wayen i sen-d-inna lmelk-nni, ṛuḥen ṣṣbeḥ zik ɣer ufakan, bdan sselmaden. Ma d amesfel ameqqran d wid akk yellan yid-s, snejmaɛen-d imɣaṛen n wegdud akked imeqqranen n wat Isṛail ɣer useqqamu n ccṛeɛ ; imiren ceggɛen ad d-awin imceggɛen-nni si lḥebs. ²² Mi wwḍen iɛessasen ɣer lḥebs, ur ten-ufin ara dinna ; uɣalen-d ɣer useqqamu, nnan-asen : ²³ Nufa lḥebs isekkeṛ, iɛessasen bedden zdat n tewwurt, lameɛna mi nekcem, ur nufi ula d yiwen zdaxel. ²⁴ Mi ten-iwweḍ lexbeṛ-agi, aqebṭan n ufakan akked imseflen imeqqranen ɛewqen ! Ur ẓrin ara ɣer wanda ara taweḍ temsalt-agi. ²⁵ Iṛuḥ-d ɣuṛ-sen yiwen inna-yasen : Irgazen-nni i terram ɣer lḥebs, ha-ten-an deg ufakan yerna sselmaden lɣaci. ²⁶ Aqebṭan n lǧameɛ d iɛessasen ṛuḥen wwin-ten-id lameɛna ḥudren-ten axaṭer uggaden ad ten-ṛejmen lɣaci. ²⁷ Mi ten-id-wwin ɣer zdat n useqqamu n ccṛeɛ, amesfel ameqqran isteqsa-ten inna-yasen : ²⁸ Neggull deg-wen ur tettuɣalem ad teslemdem s yisem-agi ; lameɛna kunwi tessufɣem aselmed-nwen di temdint n Urucalim meṛṛa ! Tura tebɣam ad d-terrem ɣer yirawen-nneɣ timegṛeṭ n wergaz-agi ! ²⁹ Buṭrus d imceggɛen nniḍen rran-asen : Ilaq ad naɣ awal i Yillu, mačči i yimdanen !

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.