Timezgida tettak s lxiṛ

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

⁶ Ilaq ad teẓrem d akken win i izerɛen cwiṭ ad d-imger cwiṭ ; ma d win izerɛen aṭas, ad d-imger aṭas. ⁷ Mkul yiwen ilaq ad iseddeq akken yenwa deg ul-is, mačči s uḥettem neɣ s nndama axaṭer Illu iḥemmel win ittseddiqen s lfeṛḥ. ⁸ Illu yesɛa tazmert ad kkun-id-iṛzeq s lbarakat n mkul ṣṣenf, ur kkun-ittxaṣṣa wacemma deg wayen akk teḥwaǧem yerna ad tesɛum s zzyada i wakken ad tizmirem ad tseddqem. ⁹ Axaṭer yura : Ittak-d lbarakat-is mebla ceḥḥa, irẓeq-d imeɣban, ṛṛeḥma-ines tettdumu i dayem. ¹⁰ Win akken : I d-ittaken i ufellaḥ zerriɛa akked weɣṛum ara yečč, ad wen-d-ifk ula i kunwi s lketṛa yerna ad issefti lbarakat n wayen tettseddiqem. ¹¹ Illu ad issefti leṛzaq-nwen, s wakka ad tizmirem ad tseddqem mebla cceḥḥa ; imiren aṭas ara iḥemden Illu ad t-cekkṛen ɣef wayen i sen-tseddqem. ¹² Axaṭer ssadaqa-agi, ur tettili ara kan d lemɛawna i watmaten, lameɛna i wakken ad d-ilin daɣen waṭas n yimdanen ara iḥemden Illu. ¹³ Imi i d-tbeggnem d akken tqeddcem ɣef Lexbeṛ n Lxir n Lmasiḥ yerna tfeṛṛqem ayen akk tesɛam akked watmaten nniḍen, ttḥemmiden Illu ttcekkiṛen-t ɣef liman d ṭṭaɛa-nwen. ¹⁴ Deɛɛun ɣer Yillu fell-awen ɣef ddemma n ṛṛeḥma tameqqrant i wen-ittunefken sɣuṛ-s, axaṭer ḥemmlen-kkun. ¹⁵ Ad ittubarek Yillu ɣef ṛṛeḥma-ines ur nesɛi lemtel !

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.