Timezgida tecfa ɣef Usfel n Lmasiḥ

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

²³ Axaṭer ataya uselmed i yi-d-ittunefken sɣuṛ Ssid-nneɣ, win i wen-mliɣ. Deg iḍ-nni i deg ittuzzenz Sidna Ɛisa, iddem-d aɣṛum, ²⁴ iḥmed Illu, yebḍa-t yenna : Wagi d tafekka-w ittunefken fell-awen, xeddmet ayagi i wakken ad iyi-d-ttmektayem. ²⁵ Daɣen, mi fukken učči, iddem-d taqbuct yenna : Taqbuct-agi d lemɛahda tamaynut s idammen-iw ; mkul tikkelt deg ara teswem seg-s, xeddmet-tt i wakken ad iyi-d-tettmektayem. ²⁶ Axaṭer kra n tikkelt i deg ara teččem seg weɣṛum-agi, i deg ara teswem si teqbuct-agi, tettxebbiṛem s lmut n Ssid-nneɣ, alamma d ass i deg ara d-yas. ²⁷ Daymi win ara yeččen seg weɣṛum-agi, ara yeswen si teqbuct-agi n usmekti n Ssid-nneɣ, ma ur sen-ifki ara lqima, iwwi ddnub ɣer yiri-s ɣef ddemma n tfekka akked idammen n Ssid-nneɣ. ²⁸ Ihi mkul yiwen ad ixemmem deg yiman-is uqbel ad ičč seg weɣṛum-nni neɣ ad isew si teqbuct-nni. ²⁹ Axaṭer ma yella yiwen deg-wen yečča neɣ yeswa si tiremt n usmekti n Lmasiḥ, mebla ma yefka lqima i tfekka n Ssid-nneɣ, iwwi-d lɛiqab i yiman-is. ³⁰ Ɣef wayagi i llan gar-awen aṭas n wid ihelken akked ineɛyuba, yerna aṭas deg-sen i yemmuten. ³¹ Lemmer nessenqad iman-nneɣ, tili ur d-nettawi ara lɛiqab n Yillu fell-aɣ. ³² S wakka mi ara aɣ-iɛaqeb Yillu, ittṛebbi-yaɣ i wakken ur aɣ-ittḥasab ara d wat n ddunit.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.