Yasuɛ ihedder-d (yettmeslay-d) ɣef usseddu (leqdic)

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Imiren Sidna Ɛisa inṭeq ɣer lɣaci d inelmaden-is inna-yasen : ² Imusnawen d ifariziyen yettunefk-asen ad slemden ṭawrat n Musa. ³ Xedmet ayen akk ara wen-d-inin, meɛna ur xeddmet ara ayen xeddmen nutni, axaṭer ayen i d-qqaren ur t-xeddmen ara. ⁴ Ttcuddun tiɛekkmin ẓẓayen ttɛebbin-tent ɣef tuyat n yimdanen, ma d nutni ttagin ad ten-ɛiwnen ula s yixf n iḍudan-nsen. ⁵ Ayen akk i xeddmen, xeddmen-t i wakken ad ten-walin yimdanen, ssihriwen tiḥerztin-nsen, ssiɣzifen tiɣṛisin n llebsa-nsen. ⁶ Ḥemmlen ad ṭṭfen imukan imezwura ama di tmeɣṛiwin ama di leǧwameɛ, ḥemmlen mi ara ttsellimen fell-asen yimdanen di tejmuyaɛ akked leswaq ; ⁷ ḥemmlen daɣen mi ara sen-qqaren yimdanen : A sidi. ⁸ Ma d kunwi ɣuṛ-wat ad wen-qqaren : A sidi axaṭer d atmaten i tellam yerna yiwen kan i d Ssid-nwen. ⁹ Ur qqaret ula i yiwen di ddunit “Baba” axaṭer yiwen n Baba-twen kan i tesɛam, d win yellan deg igenwan. ¹⁰ Ur qebblet ara ad tettusemmim : Imeqqranen axaṭer anagar yiwen i d ameqqran : D Lmasiḥ ! ¹¹ Ameqqran deg-wen, d win iqeddcen fell-awen. ¹² Kra n win issimɣuṛen iman-is ad d-irs, ma d win issimẓiyen iman-is ad ittwirfed !

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.