Aheggi n inelmaden

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Nekk yellan d aqeddac n Lmasiḥ, ad kkun-nhuɣ ihi ad teddum akken ibɣa Yillu mi wen-d-issawel. ² Ddut s leḥnana d wannuz akked ṣṣber, ttemyawit wway gar-awen s lmaḥibba. ³ Ḥeṛset iman-nwen ad teṭṭfem di tdukli n Ṛṛuḥ imqeddes, s lehna wway gar-awen. ⁴ Yiwet n tfekka kan akked yiwen n Ṛṛuḥ imqeddes i yellan, am akken daɣen i wen-d-issawel Yillu ɣer yiwen usirem kan. ⁵ Yiwen kan i d Ssid-nneɣ, yiwen n liman akked yiwen n weɣḍas i yellan, ⁶ yiwen n Yillu kan i yellan, d netta i d baba-tneɣ meṛṛa ; yella sennig kullec, yella gar yimdanen meṛṛa, yella daɣen deg-sen meṛṛa. ⁷ Meɛna mkul yiwen deg-neɣ tettunefk-as-d ṛṛeḥma n Yillu akken yella umur i as-d-ifka Lmasiḥ.

¹¹ d netta i d-ifeṛqen tikciwin i yimdanen : Kra yefka-yasen ad ilin d imceggɛen, kra d lanbiya, kra nniḍen ad beccṛen Lexbeṛ n Lxir, wiyaḍ d imeksawen n tejmaɛt n imasiḥiyen neɣ d wid isselmaden agdud n Yillu. ¹² Yefka-d tikciwin-agi i wakken ad iheggi imqeddsen i leqdic n lebni n tfekka n Lmasiḥ ; ¹³ s wakka ad neddukel deg yiwen n liman akked yiwet n tmusni ɣef wayen iɛnan Mmi-s n Yillu, alamma nuɣal d imeqqranen di liman, imiren s tdukli-nneɣ ad naweḍ ɣer lekmal yellan di Lmasiḥ. ¹⁴ S wakka ur nettɣimi ara d arrac imeẓyanen i ttawint lemwaji, i yekkat waḍu ɣer mkul ljiha, iwumi ttkellixen yimdanen s tḥila-nsen d uselmed-nsen. ¹⁵ Meɛna mi ara d-nini tidett s lmaḥibba, ad nennerni di kullec di tikli-nneɣ akked Lmasiḥ yellan d aqerruy n tejmaɛt n watmaten. ¹⁶ Yis, tafekka akken ma tella teddukel yerna temtawa s lemfaṣel i tt-icudden i tt-iqeṭṭben, s yis i tgemmu ɣef leḥsab n leqdic n yal aḥric, i wakken ad tesnerni iman-is di leḥmala.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.