Asebbel n Tudert

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Ad kkun-nhuɣ ihi ay atmaten i lmend n ṛṛeḥma n Yillu i wakken ad tqeddmem tifekkiwin-nwen am wesfel iddren, iṣfan ara iɛeǧben i Yillu ; d wagi i d aɛbad-nwen s ṛṛuḥ. ² Ur ttɛanadet ara lǧil-agi n tura, meɛna ǧǧet Illu ad ibeddel ixemmimen-nwen d lɛeqliya-nwen i wakken ad tissinem lebɣi-ines : Ayen ilhan, ayen iṣfan ur nesɛi lɛib, d wayen akk i t-iɛeǧben. ³ S ṛṛeḥma i yi-d-ittunefken, ad d-iniɣ i mkul yiwen deg-wen : Ur ssimɣuṛet ara iman-nwen, sqenɛet akken tellam, ddut s neyya ɣef leḥsab n liman i wen-d-ifka Yillu. ⁴ Am akken nesɛa aṭas n iselqam di tfekka-nneɣ, meɛna mkul yiwen seg iselqam-nni s lxedma-ines, ⁵ akken daɣen nekni, ɣas deg waṭas yid-neɣ i nella, s tdukli-nneɣ nettili d yiwet n tfekka di Lmasiḥ, aql-aɣ meṛṛa d iselqam wway gar-aneɣ, wa yeḥwaǧ wayeḍ. ⁶ Lameɛna di ṛṛeḥma-ines, Illu yefka-yaɣ-d tikciwin imxalafen : Ilaq yal yiwen ad ixdem ayen i as-d-ifka Yillu, akken ilaq, s wul d liman : ⁷ Ama d axebbeṛ sɣuṛ Yillu s Ṛṛuḥ imqeddes, ama d leqdic, ⁸ ama d aselmed, neɣ d nehhu. Ilaq daɣen win ittseddiqen, ad iseddeq mebla ṭṭmeɛ, win ittḍebbiren ad iḍebber s ṣṣwab, win ittḥunun ɣef yimeɣban ilaq ad iḥun fell-asen s wul-is. ⁹ Ilaq ad tili leḥmala-nwen teṣfa ; keṛhet cceṛ, ṭṭfet deg wayen ilhan. ¹⁰ Sɛut daymen leqdeṛ wway gar-awen ; sɛut leḥnana, myeḥmalet s leḥmala n tegmatt. ¹¹ Qedcet ɣef Umeɣlal s wulawen-nwen d wayen yellan di tezmert-nwen, zewṛet, ur ttilit ara d imeɛdazen. ¹² Feṛḥet ɣef ddemma n usirem i tesɛam, sɛut ṣṣber di tegnitt n ccedda, deɛɛut dayem ɣer Yillu, ur ḥebbset ara. ¹³ Ɛiwnet atmaten-nwen di liman deg wayen uḥwaǧen, steṛḥbet s lfeṛḥ s wid i d-ittasen ɣuṛ-wen. ¹⁴ Dɛut s lxir i wid i kkun-ittqehhiṛen, deɛɛut s lxir, ur deɛɛut ara s cceṛ. ¹⁵ Feṛḥet d wid ifeṛḥen, ttrut d win ittrun. ¹⁶ Ur xeddmet ara lxilaf wway gar-awen, ur ssimɣuṛet ara iman-nwen meɛna ddut s wannuz, ur ḥettbet ara iman-nwen d wid yessnen. ¹⁷ Ur ttarrat ara ttaṛ seg wid i kkun-iḍurren, nadit ɣef wayen ilhan zdat yimdanen meṛṛa. ¹⁸ Ma yella wamek ara d-tekk sɣuṛ-wen lehna, ilit di lehna akked yimdanen meṛṛa. ¹⁹ Ur ttarrat ara ttaṛ ay imeɛzuzen, lameɛna ǧǧet kullec gar ifassen n Yillu, d netta ara ixedmen ccɣel-is. Atah wayen yuran di Tira Iqedsen : D nekk ara yerren ttaṛ, ara yerren i yal yiwen ayen yuklal, i d-inna Umeɣlal. ²⁰ Yura daɣen : Ma yelluẓ weɛdaw-ik efk-as ad ičč, ma yeffud efk-as ad isew, axaṭer ma txedmeḍ akka, am akken d tirgin iṛeqqen ara tesserseḍ ɣef uqerruy-is. ²¹ Ur ttaǧǧa ara cceṛ ad ak-iɣleb, lameɛna ɣleb cceṛ s lxir.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.