Asnarni n imḍebbṛen

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

²¹ Mi beccṛen Lexbeṛ n Lxir di temdint-nni n Derba, aṭas inelmaden i d-irnan ; dɣa uɣalen ɣer temdinin n Listra, Iquniya d Anṭakya ²² i wakken ad sǧehden ulawen n inelmaden. Nehhun-ten ad ṭṭfen di liman, qqaren-asen : S waṭas n leɛtab ara nekcem ɣer tgelda n Yillu. ²³ Sbedden-asen imṛayen di mkul tamezdayt ; mi ẓẓullen yerna uẓamen, rran-ten ddaw n leɛnaya n Umeɣlal s wayes umnen.

¹⁷ Si temdint n Militus, iceggeɛ Bulus ɣer imṛayen n tmezdayt n Ifasus i wakken ad d-asen.

²⁸ Ɛasset ɣef yiman-nwen, ɛasset ɣef tqeḍɛit ɣef i kkun-iwekkel Ṛṛuḥ imqeddes. Ilit d iɛessasen ɣef tmezdayt n Yillu i d-iḥeṛṛ s idammen n Mmi-s.

¹ Sɣuṛ Bulus akked Timuti iqeddacen n Ɛisa Lmasiḥ, i watmaten yumnen s Ɛisa Lmasiḥ, i yimeqqranen n tqeḍɛit akked wid i ten-ittɛassan yellan di temdint n Filibus. ² Ṛṛeḥma d talwit ad wen-d-ttunefkent sɣuṛ Yillu Baba-tneɣ akked Ɛisa Lmasiḥ Ssid-nneɣ ! ³ Ttḥemmideɣ ttcekkiṛeɣ Illu-yiw mkul tikkelt mi ara kkun-id-mmektiɣ. ⁴ Yal ass deɛɛuɣ fell-awen s lxir di tẓallit-iw s lfeṛḥ d ameqqran, ⁵ ɣef ddemma n Lexbeṛ n Lxir i deg tettekkim seg wass amezwaru armi d tura. ⁶ Umneɣ s tidett d akken win yebdan deg-wen ccɣel-agi yelhan, ad t-ikemmel alamma d ass n tuɣalin n Ɛisa Lmasiḥ.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.