Inelmaden ttnadin Ṛebbi | Anarni am inelmaden | Kabyle (Algerian Tamazight)

Fellowship

1

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

2

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

3

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

4

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

5

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

6

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

7

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

8

Tura, eyyaw a nɣer teqṣiḍt n wass-a sɣur Ṛebbi...

Marqus 1: 35

³⁵ Ṣṣbeḥ zik uqbel ad yali wass, yeffeɣ Sidna Ɛisa ɣer lexla i wakken ad iẓẓall.

Luqa 5: 16

¹⁶ meɛna netta iṭeṛṛif iman-is, ittṛuḥu ɣer yimukan yexlan i wakken ad iẓẓall.

Luqa 6: 12

¹² Deg ussan-nni, yuli Sidna Ɛisa ɣer wedrar akken ad iẓẓall. Iqqim iḍ kamel netta ideɛɛu ɣer Yillu.

Luqa 10: 38-42

³⁸ Deg webrid-nsen ɣer temdint n Urucalim, yekcem Sidna Ɛisa ɣer yiwet n taddart. Yiwet n tmeṭṭut isem-is Marṭa teɛreḍ-it ɣer wexxam-nsen. ³⁹ Tesɛa weltma-s isem-is Meryem, teqqim-d ɣer iḍarren n Sidna Ɛisa, tesmeḥsis i wawal-is. ⁴⁰ Marṭa tqeddec yečča-tt ccɣel, tusa-d ɣer Sidna Ɛisa tenna-yas : A Sidi, ur ak-tewqiɛ ara lmeɛna imi i yi-teǧǧa weltma ad qedceɣ weḥd-i ? Ini-yas ad tekker ad iyi-tɛiwen. ⁴¹ Sidna Ɛisa yerra-yas : A Marṭa, a Marṭa, tettḥebbiṛeḍ tetqelliqeḍ iman-im ɣef waṭas n tɣawsiwin ; ⁴² lameɛna yiwet kan i iṣeḥḥan ! Meryem textaṛ ayen ilaqen yerna yiwen ur as-t-ittekkes.

Bible en kabyle © Alliance biblique universelle, 2024. Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.

Application

1

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

2

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

3

D acu i nelmed ɣef yimdanen, gar-asen ula d nekni, seg teqṣiḍt-agi?

4

D acu i d-nelmed si teqṣiḍt-agi ɣef wamek ara nili d inelmaden?

5

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

6

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

7

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

8

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.