Inelmaden ttnadin ɣef tgelda n Ṛebbi

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹⁹ Ur ssexzanet ara igerrujen di ddunit anda ara ten-ičč ubeɛɛuc d ṣṣdid, anda ara ten-akren wid ifettken leḥyuḍ. ²⁰ Meɛna xeznet axir igerrujen deg igenwan anda ur llin ibeɛɛac d ṣṣdid isserkuyen, anda ur zmiren ara imakaren ad fetken neɣ ad akren. ²¹ Axaṭer anda yella ugerruj-ik, dinna ara yili wul-ik. ²² Allen, d tiftilin n tfekka, ma ṣeḥḥant wallen-ik, ad tiliḍ s lekmal-ik di tafat. ²³ Lameɛna, ma ur ṣeḥḥant ara wallen-ik, ad tiliḍ di ṭṭlam. Acḥal ihi berrik ṭṭlam i deg telliḍ ma yella tafat yellan deg-k d ṭṭlam. ²⁴ Ur izmir yiwen ad iqdec ɣef sin imɛellmen deg yiwet n tikkelt. Ma iḥemmel yiwen, ad ikṛeh wayeḍ ; ma yeṭṭef deg yiwen, ad iḥqeṛ wayeḍ. Ur tezmirem ara ihi ad tɛebdem Illu akked idrimen ! ²⁵ Ɣef wayagi i wen-qqareɣ ur ttḥebbiṛet ara i tudert-nwen ɣef wayen ara teččem, la i tfekka-nwen ɣef wayen ara telsem ; ɛni tudert ur tif ara lqut, tafekka daɣen ur tif ara llebsa ? ²⁶ Walit ifṛax deg igenwan, ur zerrɛen, ur meggren, ur jemmɛen acemma ɣer ikufan, yerna Baba-twen n igenwan ittɛeggic-iten. Ɛni ur teswim ara akteṛ-nsen ? ²⁷ Anwa deg-wen i izemren s usnuzgem ad issiɣzef leɛmeṛ-is ula s yiwen n wass ? ²⁸ Ayɣer i tettḥebbiṛem ɣef llebsa ? Walit amek gemmun ijeǧǧigen n tmizar : Ur ttneɛtaben ur ẓeṭṭen ; ²⁹ meɛna ad wen-iniɣ : Ula d agellid Sliman s yiman-is di ccan-is, ur yelsi am yiwen deg-sen. ³⁰ Ma yella Illu islusuy akka leḥcic yellan ass-agi di tmizar, azekka ad ittuḍegger ɣer tmes, amek ur kkun-islusuy ara kunwi, ay imdanen ixuṣṣen di liman ? ³¹ Ur snuzgumet ara ihi, ad teqqarem : Acu ara nečč ? Neɣ : Acu ara nsew ? Neɣ acu ara nels ? ³² Axaṭer d leǧnas ur numin ara, i yettqelliben ɣef wayagi. Baba-twen n igenwan yeẓra d akken teḥwaǧem ayenni. ³³ Nadit uqbel tagelda-s d teɣdemt-is, ayagi akk ad wen-d-ittunefk d zzyada. ³⁴ Ur ttḥebbiṛet i uzekka axaṭer azekka ad isnuzgem ɣef yiman-is ; yal ass ddeqs-is leɛtab-is.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

D acu i d-nelmed si teqṣiḍt-agi ɣef wamek ara nili d inelmaden?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.