Inelmaden ad fken asfel iwakken ad ḍefṛen Yasuɛ

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

²³ Inna daɣen i lɣaci : Win ibɣan ad iddu yid-i ur ilaq ara ad ixemmem ɣef tudert-is ; ilaq ad ittɛebbi amidag-is yal ass yerna ad iyi-ḍfer. ²⁴ Axaṭer win ibɣan ad isellek tudert-is ad as-tṛuḥ. Ma d win iwumi ara tṛuḥ ɣef ddemma-w ad tt-isellek. ²⁵ D acu i d lfayda n wemdan ara irebḥen ddunit meṛṛa ma yesṛuḥ tudert-is neɣ issenger iman-is ? ²⁶ Atan win issetḥan yis-i neɣ s yimeslayen-iw, ad issetḥi s yis Mmi-s n wemdan mi ara d-yas di tmanegt-is d tmanegt n Ubabat akked lmalayek uqdisen.

⁵⁷ Mi teddun deg webrid, yiwen wergaz inna i Sidna Ɛisa : A sidi, anda teddiḍ ad dduɣ ! ⁵⁸ Sidna Ɛisa yerra-yas : Uccanen ɣuṛ-sen lɣiṛan, ifṛax n igenni sɛan leɛcuc, ma d Mmi-s n wemdan ur isɛi ara anda ara yessers aqerruy-is. ⁵⁹ Dɣa yenna i yiwen nniḍen : Yya-d ad tedduḍ yid-i. Irra-yas : A sidi, serreḥ-iyi uqbel ad ṛuḥeɣ ad meḍleɣ baba. ⁶⁰ Sidna Ɛisa yenna-yas : Eǧǧ lmeyytin ad meḍlen lmeyytin-nsen, ma d kečč ṛuḥ ad tbeccṛeḍ tagelda n Yillu. ⁶¹ Wayeḍ inṭeq inna-yas : Ad dduɣ yid-k a sidi, lameɛna eǧǧ-iyi ad ṛuḥeɣ ad sellmeɣ ɣef wat wexxam-iw. ⁶² Sidna Ɛisa yerra-yas : Kra n win iṭṭfen lmaɛun, ittmuqul ɣer deffir, ur infiɛ ara i tgelda n Yillu.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

D acu i d-nelmed si teqṣiḍt-agi ɣef wamek ara nili d inelmaden?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.