Inelmaden ttnaɣen s wawal n Ṛebbi

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Imiren Ṛṛuḥ imqeddes iwwi Sidna Ɛisa ɣer unezruf i wakken ad t-ijeṛṛeb cciṭan. ² Mi yuẓam ṛebɛin wussan d ṛebɛin wuḍan, yuɣal illuẓ. ³ Iqeṛṛeb ɣuṛ-s Iblis inna-yas : Ma d Mmi-s n Yillu i telliḍ, ini-yasen i yedɣaɣen-agi ad uɣalen d aɣṛum. ⁴ Sidna Ɛisa yerra-yas : Yura di Tira Iqedsen : Amdan mačči s weɣṛum kan ara yidir, lameɛna s mkul awal i d-ittefɣen seg imi n Yillu. ⁵ Cciṭan iwwi-t ɣer temdint n Urucalim issers-it ɣef yixf n ufakan, ⁶ inna-yas : Ma d Mmi-s n Yillu i telliḍ, ḍegger iman-ik d akessar, anaɣ yura : Ad ifk Yillu lameṛ i lmalayek-is fell-ak ad ak-awin gar ifassen-nsen i wakken ad ḥadren aḍar-ik ɣef yedɣaɣen. ⁷ Sidna Ɛisa irra-yas : Yura daɣen : Ur tettjeṛṛibeḍ ara Ameɣlal Illu-inek. ⁸ Cciṭan iwwi-t daɣen ɣef wedrar ɛlayen, isken-as-d tigeldiwin meṛṛa n ddunit d lɛaḍima-nsent, inna-yas : ⁹ Ad ak-tent-fkeɣ meṛṛa ma tseǧǧdeḍ zdat-i ad iyi-tɛebdeḍ. ¹⁰ Sidna Ɛisa inna-yas : Beɛɛed akkin fell-i a cciṭan, axaṭer yura : Ad tɛebdeḍ Ameɣlal, Illu-inek, i netta kan iwumi ara tseǧǧdeḍ. ¹¹ Dɣa cciṭan iṭṭaxeṛ fell-as. Imiren usan-d lmalayek ɣuṛ-s, i wakken ad as-qedcen.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

D acu i d-nelmed si teqṣiḍt-agi ɣef wamek ara nili d inelmaden?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.