Inelmaden ddren s tezmert n Ṛṛuḥ | Anarni am inelmaden | Kabyle (Algerian Tamazight)

Fellowship

1

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

2

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

3

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

4

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

5

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

6

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

7

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

8

Tura, eyyaw a nɣer teqṣiḍt n wass-a sɣur Ṛebbi...

At Galasya 5: 16-25

¹⁶ Ddut ihi s lebɣi n Ṛṛuḥ imqeddes, i wakken ur txeddmem ara lebɣi n tnefsit-nwen. ¹⁷ Axaṭer lebɣi n tnefsit ixulef lebɣi n Ṛṛuḥ imqeddes, akken daɣen lebɣi n Ṛṛuḥ imqeddes ixulef lebɣi n tnefsit ; d iɛdawen wway gar-asen, daymi ur tezmirem ara ad txedmem akken tebɣam. ¹⁸ Lameɛna ma tleḥḥum s lebɣi n Ṛṛuḥ imqeddes, atan ihi ur tellim ara seddaw leḥkem n usaḍuf. ¹⁹ Axaṭer, lefɛayel n tnefsit ttbanen : Zzna, leḥṛam, lefsad, ²⁰ zzyaṛa n lemqamat, ssḥur, lkeṛh, ccwal, tismin, zzɛaf, wid ibɣan ad d-kken sennig wiyaḍ, asexṛeb, wid ifeṛqen d tirebbaɛ, ²¹ ṭṭmeɛ, ssekṛan, at iɛebbaḍ ur nesɛi lqaɛ d wayen akk ittemcabin ɣer wayagi meṛṛa. Ɛeggneɣ-awen-d am akken i wen-d-nniɣ yakan : Wid i ixeddmen lecɣal-agi ur seɛɛun ara amkan di tgelda n Yillu. ²² Lameɛna atan wayen i d-itekken si Ṛṛuḥ imqeddes : Leḥmala, lfeṛḥ, lehna, ṣṣber, lehhu, leḥnana, liman, ²³ ul iṣfan, aɣlab n tnefsit ; ɛni asaḍuf yugi annect-agi ? ²⁴ Wid yellan n Ɛisa Lmasiḥ, semmṛen ɣef umidag lebɣi n tnefsit-nsen, s ccehwat-is d umenni-ines. ²⁵ Imi d Ṛṛuḥ imqeddes i aɣ-d-ifkan tudert, ilaq-aɣ ihi ad neddu di lebɣi-ines.

Bible en kabyle © Alliance biblique universelle, 2024. Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.

Application

1

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

2

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

3

D acu i nelmed ɣef yimdanen, gar-asen ula d nekni, seg teqṣiḍt-agi?

4

D acu i d-nelmed si teqṣiḍt-agi ɣef wamek ara nili d inelmaden?

5

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

6

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

7

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

8

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.