Inelmaden ttemqirrin (staɛrifen)s ddnubat-nsen | Anarni am inelmaden | Kabyle (Algerian Tamazight)

Fellowship

1

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

2

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

3

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

4

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

5

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

6

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

7

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

8

Tura, eyyaw a nɣer teqṣiḍt n wass-a sɣur Ṛebbi...

1 Yuḥenna 1: 5-10

⁵ Atah lexbeṛ i nesla sɣuṛ-s nettbeccir-awen-t-id : Illu d tafat, ur yelli ara deg-s ṭṭlam. ⁶ Ma neqqar aql-aɣ di tdukli yid-s, yili nekni nteddu di ṭṭlam, ihi neskiddib yerna nexḍa i tidett. ⁷ Meɛna ma nteddu di tafat am akken i yella netta di tafat, ad nili di tdukli wway gar-aneɣ, yerna ddnubat-nneɣ akk ad iriden s idammen n Mmi-s Ɛisa Lmasiḥ. ⁸ Ma neqqar ur yelli deg-neɣ ddnub, atan neskaddeb ɣef yiman-nneɣ, tidett ur telli deg-neɣ. ⁹ Meɛna ma nettqirri s ddnubat-nneɣ, Illu d amekdi d aḥeqqi, ad aɣ-isemmeḥ ddnubat-nneɣ, yerna ad aɣ-issizdeg si yal lbaṭel. ¹⁰ Ma neqqar mačči d imednuben i nella, ihi nerra-t d akkeddab, yerna awal-is ur yelli ara deg-neɣ.

1 Yuḥenna 2: 1-2

¹ Ay arraw-iw imeẓyanen, uriɣ-awen-d ayagi i wakken ad texḍum i ddnub, meɛna ma yeɣli yiwen di ddnub, nesɛa win yettḥuddun fell-aɣ ɣer Ubabat, d Ɛisa Lmasiḥ yellan d aḥeqqi. ² D netta s yiman-is i yettunefken d asfel ɣef ddnubat-nneɣ, mačči kan ɣef ddnubat-nneɣ nekni meɛna ula ɣef wid n yimdanen akk n ddunit.

Bible en kabyle © Alliance biblique universelle, 2024. Le travail de traduction, réalisé principalement en Algérie entre 1992 et 2024, a été effectué par l’Association Chrétienne d’Expression Berbère (ACEB) avec le soutien de l’Alliance biblique universelle.

Application

1

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

2

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

3

D acu i nelmed ɣef yimdanen, gar-asen ula d nekni, seg teqṣiḍt-agi?

4

D acu i d-nelmed si teqṣiḍt-agi ɣef wamek ara nili d inelmaden?

5

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

6

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

7

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

8

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.