Inelmaden lsan leṣlaḥ n Ṛebbi

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹⁰ Sǧehdet ihi iman-nwen s tezmert tameqqrant n Umeɣlal. ¹¹ Refdet leslaḥ meṛṛa i d-ittak Yillu, i wakken ur kkun-iɣelleb ara cciṭan s tḥila-ines ; ¹² axaṭer imenɣi-nneɣ mačči akked yimdanen i yella, lameɛna nettnaɣ d tgeldiwin akked tnezmarin n ṭṭlam iḥekmen di ddunit-agi, akked leṛwaḥ imcumen yellan deg igenwan. ¹³ Ɣef wayagi, refdet leslaḥ akk n Yillu, i wakken ad tizmirem ad tqablem tiswiɛin iweɛṛen, s wakka ɣer taggara n umennuɣ ad kkun-id-yaf lḥal mazal tbeddem. ¹⁴ Heggit iman-nwen am iɛsekṛiwen, beggset tidett, lset lḥeqq ɣef yidmaren-nwen am tzibba n wuzzal. ¹⁵ Sɛut zzwaṛa am warkasen deg yiḍarren-nwen, daymen theggam i ubecceṛ n Lexbeṛ n Lxir n lehna. ¹⁶ Di yal taswiɛt, sɛut liman am tseddarit s wayes ara tizmirem ad tessensem isufa n tmes n cciṭan ; ¹⁷ ciddet leslak am umsegdal n wuzzal ɣef uqerruy-nwen, sxedmet asekkin n Ṛṛuḥ yellan d awal n Yillu. ¹⁸ Ttẓallat di yal taswiɛt s Ṛṛuḥ imqeddes, s yal taẓallit d yal asuter. Ɛiwzet ihi, kettṛet taẓallit, ttẓallat ɣef yimqeddsen meṛṛa ; ¹⁹ ẓẓallet daɣen fell-i i wakken ad iyi-d-ifk Yillu imeslayen s wayes ara beccṛeɣ lbaḍna n Lexbeṛ n Lxir mebla tuggdi. ²⁰ Ttuceggɛeɣ-d ad beccṛeɣ Lexbeṛ n Lxir ; ɣef ddemma-s i lliɣ d ameḥbus ; dɛut ihi i wakken ad t-beccṛeɣ akken ilaq, mebla tuggdi.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

D acu i d-nelmed si teqṣiḍt-agi ɣef wamek ara nili d inelmaden?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.