Timezgida d axxam n Ṛebbi

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹¹ Kunwi ur nelli ara seg wegdud n wat Isṛail, iwumi qqaren wat Isṛail : A wid ur neḍhir axaṭer nutni ḥesben iman-nsen ḍehṛen ɣef ddemma n ṭṭhaṛa-nni i sɛan di lɛadda-nsen, ¹² mmektit-d amek i tellam zik : Di lweqt-nni tellam tbeɛdem ɣef Lmasiḥ, d ibeṛṛaniyen ur nelli ara seg ugdud i yextaṛ Yillu, ur tettekkam di lemɛahdat i sen-iwɛed, ur tesɛim asirem, ur tessinem Illu. ¹³ Meɛna imi tumnem s Ɛisa Lmasiḥ, kunwi yellan zik tbeɛdem fell-as, tura tqeṛṛbem-d ɣuṛ-s s idammen-is yuzzlen ɣef ddemma-nwen. ¹⁴ Axaṭer d Lmasiḥ s yiman-is i d lehna-nneɣ, imi i yesdukkel at Isṛail d leǧnas nniḍen irra-ten d yiwen n wegdud. Mi yefka iman-is d asfel, ihudd lḥiḍ-nni i ten-ifeṛqen, i ten-irran d iɛdawen ; ¹⁵ isseɣli tazmert n usaḍuf yerna lewṣayat akked leqwanen-ines, i wakken ad d-issufeɣ si snat ccetlat-agi, yiwen kan n wegdud amaynut ara yamnen s yis ; s wakka i d-issers lehna. ¹⁶ S lmut-is ɣef umidag i ten-issemṣaleḥ d Yillu, ikkes taɛdawit yellan gar-asen, isdukkel sin leǧnas-agi yerra-ten d yiwen wegdud. ¹⁷ Yusa-d ad wen-ibecceṛ Lexbeṛ n Lxir, iwwi-yawen-d lehna ama i kunwi yellan tbeɛdem ɣef Ṛebbi, ama i wid iqeṛben ɣuṛ-s; ¹⁸ axaṭer s yis i nezmer am kunwi am nekni, ad nqeṛṛeb meṛṛa ɣer Ubabat, s yiwen n Ṛṛuḥ imqeddes. ¹⁹ Ihi tura, kunwi ur nelli ara seg wat Isṛail, ur tellim ara d ibeṛṛaniyen neɣ d imsebriden, meɛna tettekkam di tejmaɛt imqeddsen n Yillu, tuɣalem d iɛeggalen n twacult-is. ²⁰ Tuɣalem d axxam yebnan ɣef lsas i ssersen imceggɛen akked lanbiya, Ɛisa Lmasiḥ s yiman-is d aẓru n teɣmeṛt. ²¹ D netta i yessalayen lebni, yesseǧhad-it i wakken ad yuɣal d afakan iqedsen deg Umeɣlal. ²² S tdukli-nwen akked Lmasiḥ, ula d kunwi tettekkam di lebni-agi, i wakken ad tilim d axxam anda yezdeɣ Yillu s Ṛṛuḥ-is.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.