Timezgida tettẓalla wwam gar-asen

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹³ Ma yella albaɛḍ di ccedda ad yeẓẓall. Ma yella win yellan di lfeṛḥ, ad icnu leḥmadi. ¹⁴ Ma yella yiwen deg-wen ihlek, ad issiwel i yimṛayen n tmezdayt, ad ẓẓallen fell-as, ad dehnen aqerruy-is s zzit s yisem n Umeɣlal ; ¹⁵ Taẓallit n liman ad tsellek amuḍin ; Ameɣlal ad t-irfed yerna ad as-isemmeḥ ddnubat-is. ¹⁶ Ttemqirrit s ddnubat-nwen wway gar-awen, wa ad yeẓẓall ɣef wa i wakken ad teḥlum. Taẓallit n uḥeqqi tesɛa tazmert meqqren. ¹⁷ Nnbi Iliya yella d argaz am nekni : Meɛna mi yeẓẓull s wul-is i wakken ur d-tɣelli ara lehwa, ur d-teɣli ara tlata yiseggasen d setta wagguren ¹⁸ Yessuter daɣen ad d-teɣli lehwa dɣa teɣli-d, lqaɛa tefka-d leṛzaq-ik. ¹⁹ Ay atmaten-iw, ma yella yiwen deg-wen iḍaɛ mebɛid ɣef tidett, irra-t-id wayeḍ ɣer webrid, ²⁰ ḥṣut d akken win ara d-yerren yiwen n umednub seg ubrid anda yella iḍaɛ, d taṛwiḥt ara d-isellek si lmut yerna ad iṣṣer aṭas n ddnubat.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed si teqṣiḍt-agi ɣef wamek ara nili d timezgida?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.