Imḍebbṛen ḥekmen s lḥeqq

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Ur ttḥasabet ara i wakken ur tettuḥasabem ara. ² Akken i tettḥasabem ara tettwaḥasbem. Ad wen-d-ittwiktil s lkil s wayes i tettektilim. ³ Acuɣer i tettmuquleḍ axeclaw yellan di tiṭ n gma-k, kečč ur nettwali ara tigejdit yellan di tiṭ-ik ? ⁴ Amek ara tiniḍ i gma-k : Eǧǧ-iyi ad kkseɣ axeclaw-nni yellan di tiṭ-ik, kečč yesɛan tigejdit di tiṭ-ik ? ⁵ A bu sin wudmawen ! Kkes uqbel tigejdit yellan di tiṭ-ik, imiren ad twaliḍ amek ara d-tekkseḍ axeclaw yellan di tiṭ n gma-k.

¹⁵ Ḥadret iman-nwen si lanbiya n lekdeb ! Ttasen-d ɣuṛ-wen am izamaren, nutni ɣer daxel d uccanen. ¹⁶ Ad ten-tɛeqlem s lecɣal-nsen. Ur d-nttekkes ara tiẓurin seg inijjel, neɣ lexṛif seg isennanen. ¹⁷ Ttejṛa yelhan, tettak-d lfakya yelhan, yir ttejṛa tettak-d lfakya n diri. ¹⁸ Ttejṛa yelhan ur tezmir ara ad d-tefk yir lfakya, akken daɣen yir ttejṛa ur tezmir ara ad d-tefk lfakya yelhan. ¹⁹ Yal ttejṛa ur d-nettak ara lfakya lɛali ad tettwigzem, ad tettwiḍegger ɣer tmes. ²⁰ S wakka, s lecɣal-nsen ara tɛeqlem lanbiya n lekdeb. ²¹ Mačči d wid kan i yi-d-iqqaren : A sidi, a sidi ara ikecmen ɣer tgelda n igenwan, meɛna d wid ixeddmen lebɣi n Baba yellan deg igenwan. ²² Aṭas ara iyi-d-yinin ass n lḥisab : A sidi a sidi, s yisem-ik i nbecceṛ imeslayen sɣuṛ Ṛebbi, s yisem-ik i nessufeɣ leǧnun, s yisem-ik i nexdem aṭas n lbeṛhanat ! ²³ Dɣa ad sen-d-rreɣ : Beɛdet akkin fell-i a wid ixeddmen cceṛ, ur kkun-ssineɣ ara !

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.