Imḍebbṛen ttabaɛen lekyasa (tamusni) n Ṛebbi

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹⁸ D tidett, abecceṛ n lmut n Lmasiḥ ɣef umidag d tidderwect i wid iḍaɛen ; meɛna ɣuṛ-neɣ nekni yellan deg webrid n leslak, d tazmert n Yillu. ¹⁹ Atan wayen i d-nnant Tira Iqedsen : Ad ssnegreɣ tamusni n imusnawen, ad rreɣ d ulac lefhama n wid ifehmen. ²⁰ Anda-t uɛeqli ? Anda-t umusnaw ? Anda-t wuḥṛic ara d-isfehmen ayen iḍerrun di lǧil-agi ? Ur d-isbeggen ara Yillu d akken tamusni n ddunit-agi d lehbala ? ²¹ Imi at ddunit s lefhama-nsen ur ɛqilen ara tamusni n Yillu, Illu yebɣa ad isellek wid yumnen s yis s Lexbeṛ-agi n Lxir i ḥesben wiyaḍ d lehbala. ²² At Isṛail ssuturen lbeṛhanat, iyunaniyen ttnadin tamusni ; ²³ ma d nekni nettbecciṛ Lmasiḥ, win akken ittusemmṛen ɣef umidag, yellan d ttbehdila i wat Isṛail, d lehbala ɣer iyunaniyen. ²⁴ Meɛna wid iwumi i d-issawel Yillu, ama d at Isṛail ama d iyunaniyen, umnen d akken d netta i d Lmasiḥ, i d tazmert n Yillu, i d tamusni n Yillu. ²⁵ Axaṭer ayen akken ḥesben yimdanen d lehbala n Yillu, d tamusni iṣeḥḥan akteṛ n tmusni n yimdanen, ayen ḥesben daɣen d facal n Yillu, iɣleb lǧehd n yimdanen. ²⁶ Walit ay atmaten, kunwi iwumi d-issawel Yillu : Ur llin gar-awen aṭas n wid yesɛan tamusni n ddunit, ur llin aṭas n wid yesɛan imukan ɛlayen, ur llin daɣen aṭas inaṣliyen yesɛan lqima tameqqrant ; ²⁷ meɛna Illu ixtaṛ ayen yellan d lehbala ɣer wemdan i wakken ad isneḥcim imusnawen, ixtaṛ ayen ur nesɛi tazmert di ddunit i wakken ad isneḥcim wid iǧehden. ²⁸ Illu ixtaṛ ayen ur nesɛi azal, ittwaḥeqṛen di ddunit akked wayen ittwaḥesben d ulac, i wakken ad isseɣli lqima n wayen yesɛan azal ɣer yimdanen. ²⁹ Akka, yiwen ur izmir ad izuxx zdat n Yillu. ³⁰ Imi d Illu i kkun-isdukklen d Ɛisa Lmasiḥ, d netta i aɣ-yuɣalen d lefhama i d-ikkan sɣuṛ Yillu, d taɣdemt, d leqdasa akked feddu. ³¹ Am akken yura di Tira Iqedsen : Win ibɣan ad izuxx, ad izuxx s Umeɣlal.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.