Imḍebbṛen ttaɣladen tikwal lameɛna zemren ad kemmlen aqdac

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

⁵⁴ Mi ṭṭfen Sidna Ɛisa, wwin-t ɣer wexxam n umesfel ameqqran. Buṭrus itbeɛ-iten s mebɛid. ⁵⁵ Ceɛlen times di tlemmast n wefrag, qqimen. Buṭrus yella yid-sen. ⁵⁶ Yiwet n tqeddact twala-t-id iqqim iẓẓiẓin, tmuqel-it tenna : Argaz-agi daɣen yella yid-s. ⁵⁷ Lameɛna Buṭrus inkeṛ, inna : Ur t-ssineɣ ara a tameṭṭut ! ⁵⁸ Cwiṭ akka, iwala-t-id yiwen nniḍen, inna : Kečč daɣen d yiwen seg-sen. Buṭrus irra-yas, inna : Ur lliɣ ara seg-sen ay argaz ! ⁵⁹ Iɛedda wazal n ssaɛa, yenṭeq-d yiwen nniḍen inna : Mebla ccekk argaz-agi yella yid-s axaṭer d Ajlili. ⁶⁰ Buṭrus irra-yas : Ur ẓriɣ ara d acu i d-teqqareḍ ay argaz ! Werɛad yekfa ameslay, yeskuɛ uyaziḍ. ⁶¹ Sidna Ɛisa yezzi ɣuṛ-s, imuqel-it. Dɣa Buṭrus immekta-d ayen i as-d-inna Sidna Ɛisa : Ass-agi, uqbel ad iskuɛ uyaziḍ ad iyi-tnekṛeḍ tlata iberdan. ⁶² Iffeɣ ɣer beṛṛa iṭṭerḍeq s imeṭṭawen axaṭer indem.

¹³ Sidna Ɛisa iqeṛṛeb ɣuṛ-sen, ifṛeq-asen aɣṛum-nni d iselman-nni. ¹⁴ D tikkelt tis tlata i d-isken iman-is Sidna Ɛisa i yinelmaden-is seg wasmi i d-iḥya si lmut. ¹⁵ Mi fukken učči, yenna Sidna Ɛisa i Semɛun Buṭrus : A Semɛun mmi-s n Yunes, tḥemmleḍ-iyi akteṛ n wigi ? Semɛun Buṭrus inna-yas : Ih a sidi, teẓriḍ ḥemmleɣ-k. Sidna Ɛisa inna-yas : Ttḥadar izamaren-iw. ¹⁶ Yerna inna-yas tikkelt tis snat : A Semɛun mmi-s n Yunes, tḥemmleḍ-iyi ? Yerra-yas : Ih teẓriḍ ḥemmleɣ-k a sidi ! Sidna Ɛisa inna-yas : Ḥader ulli-inu. ¹⁷ Isteqsa-t Sidna Ɛisa i tikkelt tis tlata, inna-yas : A Semɛun mmi-s n Yunes, tḥemmleḍ-iyi ? Semɛun Buṭrus iɣaḍ-it lḥal, axaṭer d tikkelt tis tlata i as-yenna : “Tḥemmleḍ-iyi ?” Dɣa inna-yas : A Sidi, teẓriḍ kullec, teẓriḍ d akken ḥemmleɣ-k ! Sidna Ɛisa inna-yas : Ḥader ulli-inu.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.