Imḍebbṛen nehhun yerna sseǧhaden

Ɣef leḥsab n wayen i wen-d-iḍran segmi nemlal tikkelt taneggarut, d acu n tɣawsa i ɣef ad t-ḥemmdem Ṛebbi fellas?

D acu i k-yestqalqen dduṛt-agi (ssmana-agi), akked d acu i teḥwaǧeḍ iwakken ad ssegmen-t temsal?

D acu-tent lmaḥwijat n yemdanen di tajmaɛt-nwen, yerna amek i nezmer a nemɛawen-t wwam gar-anneɣ iwakken a nqabel lmahwijat-agi i d-nebder?

D acu-tt teqṣiḍt n tikkelt i g ɛeddan mi nemlal? D acu i nelmed ɣef Ṛebbi d yemdanen?

Deg temlilit-nneɣ taneggarut, teṭṭfeḍ leqcaḍ ad t-tesxedmeḍ ayen i tlemḍeḍ. D acu i txedmeḍ, amek i tɛedda?

Anwi iwumi teḥkam (tebḍam) kra si teqṣiḍt taneggarut? Amek i wen-d-rran?

Tikkelt-nni taneggarut mi nemlal, nwala-d ddeqs n lmaḥwijat yerna nhegga-d a ten-t-nqabel. Amek i tɛedda?

Tura, eyyaw a nɣer teqṣiḍt n wass-a sɣur Ṛebbi...

¹ Ṛṛuḥ imqeddes ixebbeṛ-d ɛinani d akken deg ussan ineggura, aṭas ara iwexxṛen ɣef liman di Lmasiḥ, ad tebɛen wid i ten-ittɣuṛṛun s uselmed i d-ittasen sɣuṛ leǧnun. ² Ad ten-ɣuṛṛen wat sin wudmawen yettbecciṛen lekdeb, wid iwumi yemmut wul am akken yettwaqqed s useffud. ³ Imdanen-agi bɣan ad ḥeṛṛmen zzwaǧ akked kra n leṣnaf n lmakla, lameɛna Illu ixleq-d kullec i wakken wid yumnen s yis yessnen tidett, ad t-ḥemden ad t-cekkṛen. ⁴ Ayen akk i d-ixleq Yillu yelha, ur ilaq ara ad nerr kra di rrif, acu kan ilaq ad t-ncekkeṛ ɣef wayen i aɣ-d-ittak, ⁵ axaṭer ayen akk i d-ittwaxelqen iṣeffu-t wawal n Yillu akked tẓallit. ⁶ Ssefhem-asen ayagi i watmaten i wakken ad tiliḍ d aqeddac yelhan n Ɛisa Lmasiḥ, ad d-tbeggneḍ d akken teččuṛeḍ s imeslayen n liman akked uselmed n tidett i ttebɛeḍ s wul yeṣfan. ⁷ Ma d timucuha n temɣaṛin ur nesɛi ara lmeɛna i ixulfen liman, ḍegger-itent akkin fell-ak. Issin amek ara telḥuḍ deg ubrid n Yillu. ⁸ Tazzla deg wannar d ayen yelhan meɛna tenfeɛ i tfekka kan, ma d ṭṭaɛa n Yillu tenfeɛ i kullec axaṭer deg-s i tella tudert n tura akked d tin i d-iteddun i aɣ-iwɛed Yillu. ⁹ Awal-agi d awal n tidett yuklalen ad ittwiqbel ɣer yimdanen meṛṛa. ¹⁰ Ma d nekni nettɛettib iman-nneɣ i wakken ad neǧhed di liman, imi nettkel ɣef Yillu yeddren yellan d amsellek n yimdanen meṛṛa abeɛda wid yumnen yis. ¹¹ Atan wayen i ɣef ara tweṣṣiḍ imdanen d wayen ara sen-teslemdeḍ. ¹² Ɣuṛ-k ad ak-iḥqeṛ yiwen imi meẓẓiyeḍ di leɛmeṛ, meɛna ili-k d lemtel gar wid yumnen s yimeslayen-ik, s tikli-inek, s leḥmala-inek, s liman-inek d tezdeg n wul-ik. ¹³ Sɛedday lweqt-ik di leqraya d ubecceṛ d uselmed n Wawal n Yillu i wiyaḍ, alamma usiɣ-n. ¹⁴ Ur ttaǧǧa ara di rrif tikci i ak-d-ittunefken s ṛṛeḥma n Yillu, d imeslayen s wayes i d-caren fell-ak di tejmaɛt mi ssersen ifassen-nsen fell-ak imṛayen n tmezdayt. ¹⁵ Err ddehn-ik ɣer wayagi txedmeḍ-t akken ilaq, i wakken imdanen meṛṛa ad walin amek i tettnerniḍ di tikli-inek di Lmasiḥ. ¹⁶ Ḥader ɣef yiman-ik d wayen i tesselmadeḍ i wiyaḍ, ma tkemmleḍ akken, d leslak ara d-tawiḍ i keččini akked wid i ak-ismeḥsisen.

Tura, eyyaw ad neǧǧ yiwen ad yeḥku aḥric-a s wawalen-is, amzun iḥekku-t i umdakkel-is ur t-nesli ara yakan. A t-nɛiwen ma yella yettu kra neɣ yerna kra s tuccḍa. Ma yeḍra-d waya, nezmer ad t-nesteqsi: "Anida i t-tufiḍ deg teqṣiḍt?"

D acu i aɣ-d-tesselmad teqṣiḍt-agi ɣef Ṛebbi, ṣṣifa-s, d wayen i g-xeddem?

D acu i nelmed ɣef yimdanen, gar-asen ula d nekni, seg teqṣiḍt-agi?

Acu i d-nelmed seg teqṣiḍt-agi ɣef wamek ara nili d imḍebbren?

Amek ara tesxedmeḍ tidett n Ṛebbi i d-yekkan si teqṣiḍt-agi di tudert-ik dduṛt-agi (ssmana-agi)? D acu-tt tigawt neɣ lḥaǧa ibanen ara txedmeḍ?

Anwa iwumi ara tebḍuḍ tidett i d-yekkan si teqṣiḍt-agi uqbel ad nemlil tikkelt niḍen? Tessneḍ wiyaḍ ara yebɣun ad d-afen awal n Ṛebbi deg usnas-agi am nekni?

Imi timlilit-nneɣ tetteddu ad tekfu, iyaw ad tt-negzem di ṛṛay melmi ara nemlil tikkelt niḍen d wanwa ara yessekren (yesselḥun) timlilit-nneɣ i d-iteddun.

Nettweṣṣi-ken (Nessebɣas-iken) ad teṭṭfem tazmilt n wayen i d-nnam ad txedmemt, yerna ad tɛiwdem taɣuri i teqṣiḍt-agi deg wussan i d-iteddun uqbel ad nemlil tikkelt niḍen. Amselḥay yezmer ad ibḍu aḍris n teqṣiḍt neɣ ameslaw ma yella win ur t-nesɛi ara. Akken ara neddu, ansutar i Ssid ad aɣ-iɛawen.